ស្តាយយុវភាព

មេត្តាអូនផង

ច្រៀងដោយ រស់ សេរីសុទ្ធា

១ មេត្តាមេត្តាមេត្តាអូនផងអូនផង តាំងពីជួបបង អូនប៉ងស្នេហាស្នេហា មិនដឹងចិត្តបង រែងគិតយ៉ាងណា ឱប្រុសស្នេហា មេត្តាអូនដែរឬទេ?

២ មេត្តាមេត្តាមេត្តា អូនផងអូនផង ចិត្តអូនបំណង ចង់ជួបបងមួយបងមួយ សូមបងមេត្តា កុំអោយអូនព្រួយ មានតែបងមួយ ដែលអូនបំភ្លេចមិនបាន

R បងអឺយៗបង រឿងដែលកន្លង បងចាំបានទេ រាត្រីដែលអូន ជួបប្រុសស្នេហ៍ ច្រៀងថ្នមបំពេរ អោយអូនរំភើបចិន្តា

៣ មេត្តាមេត្តា មេត្តាអូនផងអូនផង រាល់ថ្ងៃអូនផ្សង​ជាគូលុះក្ស័យ​លុះក្ស័យ​​ ឬមានគូហើយ​បានមិនស្រដី ទោះបីយ៉ាងណា សុំតែមេត្តាអូនផង (ទោះបីយ៉ាងណា សុំតែមេត្តាអូនផង )៕

អង្គុញកើយបី

ច្រៀងដោយ ស៊ិន ស៊ីសាមុត រស់ សេរីសុទ្ធា និងប៉ែនរ៉ន
ទំនុកច្រៀង ញ៉ែម ផុន

១ (ប) អង្គុញបោះទៅត្រូវកើយស្រីដាំ មើលមុខចំណាំចិត្តចាំជោះស្រី (ពីដង) អង្គុញស្រីស្ងួន​អូនដាំ​កើយ​បី បើបងឈ្នះស្រីបងចាប់ជោះហើយ

២ (ស) បោះត្រូវជើងរៀងមៀងមើលឲ្យច្បាស់ ដល់វេនអូនឈ្នះប្រុសកុំកន្តើយ (ពីរដង) ត្រូវមេ​ដំបូល​គេចមិន​រួច​ឡើយ ចាប់​បាន​ដៃ​ហើយ​ជោះ​ឲ្យ​អស់​ចិត្ត

៣ (ប) ជោះត្រឹមជង្គង់​បង​ឲ្យ​ជោះ​បាន​ ជោះប្រាប់​សណ្តាន​គូរពី​ព្រេង​ព្រឹទ្ធ (ពីរដង) បើ​អូន​បាន​ជោះ​ដូច​​​បាន​ស្គាល់​ចិត្ត​ ចាំមួយ​ជីវិត​ចិត្ត​ចាំ​ជួប​គ្នា

៤ (ស)​ បើបង​ជោះ​អូន​កុំជោះ​ខ្លាំង​ពេក ថ្នម​ទុក​ថ្ងៃ​ស្អែក​ណា​ស្រស់​ពុំងារ (ពីរដង) ក្រោយ​ចូល​ឆ្នាំ​ថ្មីរៀប​ការ​នឹង​គ្នា​ ប្រាប់​ដល់​មីង​មារ​ចូល​ដណ្តឹង​អូន៕

បងឯងជាព្រាននារី

ច្រៀងដោយ ស៊ិន ស៊ីសាមុត រស់ សេរីសុទ្ធា សូ សាវឿន និងប៉ែន រ៉ន

១ (សុទ្ធា) ឆ្លើយភ្លាមទៅៗកុំនៅស្ងៀម (រ៉ន) ម្តេចអឹមអៀនមិនស្រដីអោយដឹងការ (សាវឿន) ស្រលាញ់មួយណាៗៗៗ (សុទ្ធា) ស្រលាញ់មួយណា ? (រ៉ន) ស្រលាញ់មួយណា ? (សាវឿន) ស្រលាញ់មួយណា ? (រួមគ្នា) សូមវាចាភ្លាមៗទៅ (២ដង) ...

(២) . (សុទ្ធា) បងប្រាប់ថាបងស្នេហាអូនមុនគេ (រ៉ន) មិនមែនទេខ្ញុំជាស្នេហ៍ទីមួយណា  (សាវឿន) ចំណែកអូនវិញក៏ជាទីមួយដែរណាជីវ៉ា (សុទ្ធា) ទីមួយគឺជាអ្នកណា ? (រ៉ន) ទីមួយគឺជាអ្នកណា ?

(សាវឿន) ទីមួយគឺជាអ្នកណា ? (រួមគ្នា) សូមរៀមរ៉ាឆ្លើយភ្លាមទៅ (២ដង) ...

(៣) . (សាមុត) បងសុំទោសៗណាពិសី អូនទាំងបីសូមប្រណីកុំខឹងណា  ការពិតស្រលាញ់ៗៗស្មើគ្នា (សុទ្ធា) មិនព្រមឡើយណា (រ៉ន) មិនព្រមឡើយណា  (សាវឿន) មិនព្រមឡើយណា ! (ស្រីរួម) តើអ្នកណាប្រពន្ធដើម ? (២ដង) ..

(៤) . (សាមុត) គ្មានទេដើមគ្មានទេចុងទាំងអស់គ្នា  (ស្រីរួម) ក្តៅអស្ចារ្យប្រុសឬស្យាព្រាននារី
(សាមុត) ជេរបងមកចុះៗស្រស់ឆោមឆវី (សុទ្ធា) បងឯងជាព្រាននារី ! (រ៉ន) បងឯងជាព្រាននារី

(សាវឿន) បងឯងជាព្រាននារី  (ស្រីរួម) ចង់តែស៊ីសាច់ទេ (២ដង) ៕ 

លាកុលាបបាត់ដំបង

ច្រៀងដោយ ស៊ិន ស៊ីសាមុត និងរស់ សេរីសុទ្ធា

១ (ប) ភ្លៀងធ្លាក់ស្រិបៗបងខ្សិបប្រាប់ស្រីថ្ងៃស្អែកថ្ងៃថ្មីបងលាស្រី​ហើយ លាមួយគ្រា​សិនមាស​ឆ្អិន​បងអើយ លាពូកខ្នល់ខ្នើយធ្លាប់កើយពីរនាក់

២​ (ស) សូមបងកុំភ្លេចកុលាបកំសត់ ក្នុងភូមិទុរគត៌ដែលធ្លាប់ថ្នមថ្នាក់ កុំភ្លេចលំនៅដែលធ្លាប់រួមរក្ស បេះដូងអមតះយើងឆ្លាក់ទុកស្នាម

៣ (ប) បងមិនភ្លេចទេកូនខ្ទមស្នេហា មាត់បឹងសត្យាសច្ចារយឆ្នាំ (ស) ស្ពានដែកស្ពានថ្មតោ​ឈរ​យំ​ផ្តាំ​ បងឃ្លាតអូនចាំ ចាំជួបជានិច្ច

៤ (ប) ឱ ! ថ្ពាល់ក្រហមបងសូមលាសិន (ស) សូមបងសុបិនឃើញអូនជានិច្ច បើបង​ភ្លេច​អូន​ដូច​ក្បូន​លង់លិច (ប) កុលាបទងពេជ្របងភ្លេចម្តេចបាន

ពោល ៖ (ស) កុំភ្លេចអូនណា៎បង ! (ប) បងមិនភ្លេចទេ តែណ្ហើយ! បងលាមួយគ្រាសិនហើយ ណ៎ា​កុលាប​បាត់ដំបង៕

ចៅដក

 ច្រៀងដោយ ស៊ិន ស៊ីសាមុត និង​រស់​ សេរីសុទ្ធា

១) (ប) រសៀលគងព្រៃ រៃយំល្វើយល្វើយ ឱកែវបងអ្ហើយ នាងនៅទីណា? បងសែនអាល័យស្ទើរក្ស័យសង្ខារ រង់ចាំស្នេហាគ្មានលោះពេលឡើយ ឱចៅដកដកអើយចៅដកល្ហុង អញ្ជើញមន្តស្នេហ៍វីយូឡុង ប្រឹងកូតហៅស្រី មកឆាប់រ៉ា

២) (ស) អូនមកដល់ហើយ បងអើយកុំសង្ការ វីយូឡុងប្រាប់អូនថា ស្នេហានៅចាំ អូនសែនភិតភ័យ ហឬទ័យប្រេះស្រាំ ឮសូរបងផ្តាំ អោយអូនមកជួប ឱចៅដកដកអើយចៅដកចំប៉ា អញ្ជើញមន្តស្នេហ៍ហ្គីតា ជួយថ្នមស្នេហាអោយខ្ញុំផង

៣) (ប) បងមិនខឹងទេ ម្ចាស់ស្នេហ៍កុំសៅហ្មង ហ្គីតាប្រាប់បង ថាអូនមកហើយ ស្តាយស្រស់ភក្ត្រ័ឆ្មម បងសូមកៀកកើយ សូមកើយអូនជាខ្នើយប្រចាំជីវិត ឱចៅដកដកអើយ ចៅដកនួនស្រី អញ្ជើញមន្តស្នេហ៍ចាប៉ី សូមអ្នកបំភ្លៃបំពេរពៅ

៤) (ស) បងមើលតារា ឆាយាសន្ធៅ កាយអូននែបនៅជាមួយសង្សារ (ប) បងចាប់ជន្លេន ក្តិចស្ទូចមច្ឆា អោនថើបបុប្ផា ទុកជាសាក្សី ឱចៅដកដកអើយ ចៅដកក្តាំងងា អញ្ជើញភ្លេងទាំងអស់គ្នា ប្រគុំបំពេរគូខ្ញុំផង៕

អូនរាំសមទេ

ច្រៀងដោយ ស៊ិន ស៊ីសាមុត រស់ សេរីសុទ្ធា និង​ប៉ែន រ៉ន

១ (ស.)អូនរាំសមទេ អើយមើលនេ៎ ដៃអូនទន់ក្រៃ អូនរាំសមទេ អើយមើលនេ៎ ដៃអូនទន់ក្រៃ
(ប.)សមណាស់ណាពិសី ម្រាមដៃដូចកេន្នរ ទន់ល្អរាំសារវ៉ាន់ បងសូមកាន់ អង្អែលដៃបានទេ

២ (ស.)បងអង្អែលដៃបាន អើយតែប្រាណ កល្យាណកុំប៉ះអី បងអង្អែលដៃបាន អើយតែប្រាណ កល្យាណកុំប៉ះអី (ប.) ចុះមុខពិសី ចុះថ្ពាល់ពិសី ប៉ះបានទេស្រី ស.ថាប៉ះមុខអី ប៉ះដៃបានហើយ៕

អស់​មួយ​ខែ​សល់​មួយ​ខែ

ច្រៀង​ដោយ​ ជា សាវឿន និង​រស់ សេរីសុទ្ធា

១ (ស) ចិត្តអូនប្លែកណាស់ ស្ទើរខ្មាស់គេស្លាប់ទៅហើយ អ្នកប្តីអូនអ្ហើយ ទៅធ្វើការមួយយប់ទល់ព្រឹក ការអ្វីច្រើនម្លេះ ប្លែកតែបងរវល់ឥតឈប់ ថ្ងៃណាក៍យប់លុះត្រឡប់ធំក្លិនតែស្រា អូនសួរពេលណា ប្រុសបងឆ្លើយថាចៅហ្វាយលោកប៉ាវផឹក 

២ (ប) ហ៊ឺ! ធ្វើការចង់ងាប់ ព្រោះចង់ផ្គាប់ចិត្តលោកធំ ការគរដូចភ្នំមកផ្ទះវិញចោទបងប្រមឹក យូរៗញ៉ាំម្តងបងការពារក្រែងកើតរោគស្ពឹក ម៉ែថាបើផឹកសូមកុំឱ្យតែបងមានស្រីអូនអ្ហើយកុំភ័យបងមិនមានថ្មី ឱ្យស្រីនៅមេម៉ាយ

៣ (ស) នែបង !! បើកលុយគ្មានសល់ អូនឆ្ងល់បាត់រាល់តែខែ (ប) កុំមាត់ខ្មាស់គេ ឱ ! មាសស្នេហ៍បងយកទៅចាយ (ស) ហ៊ឹស! ច្បាស់ជាមានស្រី ហើយញុំាស្រាហ៊ឺហារសប្បាយ  (ប) អូនអើយកុំស្តាយអស់មួយខែនៅសល់មួយខែ (ស) យ៉ើស! ថ្ងៃក្រោយមិនកែ តែបាត់ប្រាក់ខែ ម៉ែឱ្យលែងបងហើយ៕ 

ស្រណោះអូរជ្រៅ

ច្រៀង​ដោយ​ ស៊ីន ស៊ីសាមុត និង​រស់ សេរីសុទ្ធា

១ (ប) ស្រណោះអូរជ្រៅ បងធ្លាប់ទៅលេងនឹងអូន ស្រណោះអូរជ្រៅ បងធ្លាប់ទៅលេងនឹងអូន កាច់ត្រួយត្រកួន កាច់ត្រួយត្រកួន ដែលស្រស់ស្រីស្ងួន ដាំទុកអោយបង

២ (ស) ស្រណោះច្រវ៉ា បងអុំច្រវ៉ាដងវែង ស្រណោះច្រវ៉ា បងអុំច្រវ៉ាដងវែង បងអុំម្នាក់ឯង បងអុំម្នាក់ឯង អូនព្រួយចំបែង ក្រែងបងធ្លាក់ទឹក

៣ (ប) បើធ្លាក់ទឹកបឹង ព្រលឹងបងមិនសូវព្រួយ បើធ្លាក់ទឹកបឹង ព្រលឹងបងមិនសូវព្រួយ
បងអាងអូនជួយ បងអាងអូនជួយ ទុកតែដៃមួយ ហុចអោយអូនចាប់

៤ (ស) បើចាប់ដៃបាន កុំស្មានថាអូននឹងលែង បើចាប់ដៃបាន កុំស្មានថាអូននឹងលែង
អូសកាត់គុម្ពត្រែង អូសកាត់គុម្ពត្រែង របូតដៃឯង ទើបលែងដៃបាន៕

មិន​ឲ្យ​ឆ្ងល់​ម្តេចបាន

ច្រៀង​ដោយ អ៊ឹង ណារី និង​រស់​ សេរី​សុទ្ធា
ចង្វាក់ ​រាំវង់

១ (ប) មើលបង​ទំនង​ដូច​ឆ្ងល់​​ ក្រែង​អូន​ធ្លាប់​ស្គាល់​បង​ដែរ​ឬ​អី (ពីរដង) មើ​ល​អីចឹង​អៀន​ណាស់​ណា​ស្រី បង​មាន​រឿង​អ្វី​ប្រណី​ប្រាប់​ផង (ស) មិន​ឲ្យ​ឆ្ងល់​ម្តេច​បាន​ប្រុស​បង បើ​ជួប​រាល់​ដង​ឃើញ​តែ​ខោ​អាវ​នឹង

២ (ប) ខោអាវ​មាន​ច្រើង​កំប្លេ រាប់​មិន​អស់​ទេ​សុទ្ធតែ​ម៉ូត​អញ្ចឹង (ពីរដង) ទាល់​តែ​ឃើញ​ទើប​បាន​អូន​ដឹង ព្រោះអី​បង​នឹង​ជា​អ្នក​ហ៊ឺហា ពេលបង​ដើរទៅណាមក​ណា សុទ្ធតែកញ្ញាព្រួត​គ្នា​ញញឹមដាក់

៣ (ស) ហ៊ឺហា​​សម្បកខាង​ក្រៅតែ​ក្នុង​ហោប៉ៅ​គ្មាន​លុយ​មួយ​កាក់ (ពីរដង) (ប) លុយ​បង​មាន​តែ​គេ​ជំពាក់ (ស) តើគេ​ប៉ុន្មាន​នាក់​ជំពាក់​ប្រាក់​បង (ប) រាប់​មិន​អស់​ទេ​ស្រល់​នួន​ល្អង កុំ​សួរច្រើន​ដង​ក្រែង​លឮដល់​ចោរ

៤ (ប) យប់​នេះ​ក៏មាន​មិន​តិច​ តាំង​ពី​សូលេច​វេស្ពាម៉ូតូ (ពីរដង) (ស) យើស ម្សិល​ម៉ិញឃើញ​បញ្ចាំ​អាវ​ខោ ដើរអួតឺនួ​ឡូឡាពេញផ្លូវ (ប) អូ សម្លាញ់​បង​វា​ពឹង​ទេ​ពៅ បញ្ចាំឲ្យ​ទៅ​ខោ​អាវ​វា​ទេ​អូន។

—សុំស្លា

ច្រៀងដោយ ស៊ីន ស៊ីសាមុត និងរស់ សេរីសុទ្ធា

ចង្វាក់ រាំវង់

១ (ប) ស្រីតូចទ្រម៉ែ ដើរតាមភ្លឺស្រែស្រង៉ែបាំងបាត់ ហាអើយ (២ដង) បងខំដើរស្កាត់ សុំស្លាមួយម៉ាត់ អូនដាច់មេត្តា ពិតមែនហើយ ! អូនដាច់មេត្តា

២ (ស) ស្លាបងពេញថ្នក់ ម្តេចមកកុហក់ថាបងអត់មានស្លា ហាអើយ (២ដង)  (ប) ស្លានៅត្រង់ណា សូមកែវជីវ៉ាបង្ហាញគេផង ពិតមែនហើយ ! បង្ហាញគេផង

៣ (ស) ជាតិជាមនុស្សខិល រប៉ិលរប៉ូចគ្មាននរណាដូចបង ហាអើយ (២ដង) ស្លាលាក់ក្រោយខ្នង សូមប្រុសបងយកចេញឆាប់រ៉ា ពិតមែនហើយ ! យកចេញឆាប់រ៉ា

៤ (ប) ស្លាបងមានពិត តែចិត្តរៀមប៉ងចង់ ចូលទាក់ទងស្នេហា ហាអើយ (២ដង) (ស) ស្នេហ៍ឆសុំស្លា ខ្ញុំមិនត្រូវការសូមលាសិនហើយ ពិតមែនហើយ ! សូមលាសិនហើយ៕

ជីវិតដូនជី

ច្រៀងដោយ រស់ សេរីសុទ្ធា

១ មានតែសាងភ្នួស លាងបាបទេ ស្មាលាពីស្នេហ៍ ស្នេហ៍នរកអវចីឬស្យាសាងសីល កុសលធម៌អារ ស្មគ្រ័បំរើ ព្រះពុទ្ធសាសនា ជាជាងសាវ៉ា បំរើកាមគុណ

២ មួយជីវិតនេះ ត្រូវចែកជាពីរ មួយត្រូវសាងផ្កាភ្ញី ពីរគឺធូបទៀនផ្សែងធម៌ ជីវិតទីមួយមិនល្អ ខ្ញុំត្រូវតែស្លៀកសពាក់ស តាំងចិត្តសាងល្អ សងគុណអ្នកម្តាយ

R ឱ!សសៃសក់ ខ្មៅអើយ ខ្ញុំលាហើយ អោយផុតកម្មពៀរ សសៃសក់ខ្ញុំកប់មុខវិហារ លែងឮហើយស្នេហា ទាំងទឹកនេត្រា ក៏លែងស្គាល់

៣ ជីវិតដូនជី ជាទីកក់ក្តៅ ចិត្តខ្ញុំអស់ ដំបៅ ដើរតាមផ្លូវ និស្ស័យធម៌អាថ៌ខ្ញុំផ្សង លុះអស់សង្ខារ បើកើតទៀត ជាថ្មីកាលណា ប្តេជ្ញាថាបួស ជាថ្មីទៀតអើយ

—

សុំ​​ស្នេហ៍​ព្រះពាយ​ផាត់

ច្រៀងដោយ ស៊ីន ស៊ីសាមុត និង​រស់ សេរីសុទ្ធា

១. (ប) ឱ​! អូន​ព្រះ​ពាយ​ផាត់​​​បង​​អើយ យប់​យន់​ហើយ ដែល​បង​មក​រង់​ចាំ​ស្រី សូម​អាណិត ឲ្យ​បង​បាន​ស្ដាប់​សំដី ឬ​ប្រណី ឲ្យ​រៀម​បាន​យល់​ភក្ត្រា

២. (ស) ស្អប់​ណាស់ នរណា​បង្ខំ​ចិត្ត​អ្នក ឲ្យ​មក​ស្ម័គ្រ រង់​ចាំ​ស្រី​ពី​កាល​ណា ចេញ​ឲ្យ​ឆាប់ ខ្ញុំ​មិន​ត្រូវ​ការ​ចរចារ នែ៎​! ព្រាន​ស្នេហា​ ខ្ញុំ​មិន​ត្រូវ​ការ​បង​ទេ

បន្ទរ៖ (ប) អូន​អើយ មិន​គួរ​អូន​បែរ​ជា​ខឹង ធ្វើ​មិន​ដឹង ឲ្យ​ទ្រូង​រៀម​​ឈឺ​គ្រាំ​គ្រា រាល់​រាត្រី បង​ផ្ដាំ​តាម​ដួង​ច័ន្ទ្រា ថា​ចិន្ដា បង​នឹក​អូន​គ្មាន​ពេល​​ល្ហែរ

៣. (ប) បើ​បង​ស្រលាញ់​រូប​អូន​ពិត ម្ដេច​មិន​គិត ចូល​ស្ដី​ដល់​ទៅ​ឳ​ម៉ែ (ប) ព្រះ​ពាយ​ផាត់​អើយ បង​មិន​ភូត​ភរ​អូន​ទេសូម​ឲ្យ​តែ អូន​ថា​ស្នេហ៍​បង​មួយ​មាត់ ៕

—

ស្រីណាមិនយំ

ច្រៀងដោយ រស់ សេរីសុទ្ធា

ពោល៖ ស្រីណាមិនយំ
១ ធ្ងន់ណាស់ព្រះអើយ អោយបោះបង់ស្នេហ៏ ស្ទើរតែប្រេះបែកដើមទ្រូងដូចត្រូវអន្លូងបេះដូងរណ្ភំ ដាច់ចិត្ភទេចោលស្នេហ៏ឧត្ភម ទេ!ទេស្រីណាមិនយំ គឺត្រូវតែយំ អោយបែកផែនដី

២ អោយភ្លេចម្តិចបាន ភ្លេចមិនបានទេ បើហ៊ានបំភ្លេចក្ភីស្នេហ៏ រស់នៅឃើញតែជីវិតឥតន័យ ដែលឮទេស្រីក្នុងលោកីយ៏ ស៊ូលះបង់ក្ភីស្មោះប្រុសថ្លៃ ប្រគល់ដល់ដៃ ស្រីផ្សេងទៅវិញ

R តើខ្ញុំត្រូវដោះស្រាយ យ៉ាងណា? នេះជាបញ្ហា បាញ់ចំឱរ៉ាអួលណែន ឬមួយចោលស្នេហ៏ ស្នេហ៏ដែលគ្មានព្រំដែន ទុកជូនបងស្រីវិញ

៣ ស្រីណាមិនយំ ស្រីណាមិនយំ ដាច់ខាតគឺត្រូវតែយំបែក ទ្រូងហើយខ្ញុំទុកភ្នំភ្លើងក្តៅ បំភ្លេចគុណបងគឺខ្ញុំចិត្តខ្មៅ តើអោយខ្ញុំសំរេចម្តេចទៅ ឬមួយក៏ត្រូវ បំភ្លេចសង្សារ

៤ ណ្ហើយចុះស៊ូយំអស់មួយជីវិត ទៅចុះទៅចុះដួងចិត្ភត្រូវតែ អាណិតដល់ចិត្ភបងស្រី ខ្ញុំដាច់ចិត្ភចោលស្នេហ៏ប្រុសថ្លៃ ស៊ូរស់នៅជីវិតឥតន័យ រស់ជាប្អូនថ្លៃ ប្រុសធ្លាប់ស្រឡាញ់៕

ម្លប់​​ស្នេហ៍​ដើម​ស្រឡៅ

ច្រៀងដោយ ស៊ីន ស៊ីសាមុត និង​រស់ សេរីសុទ្ធា

១. (ស) ក្អែក​ខ្មៅ​បូល​យំ លើ​ភ្នំ​ផ្កាយ​ព្រឹក សំឡូត​អូន​នឹក​រលឹក​អូរដា ស្នឹង​ស្ដៅ​ត្រែង​ត្រាក ជី​សាក​ទ្រូង​ខ្លា បល្ល័ង​ជលសា បុស្បា​ផ្កា​ព្រៃ

២. (ប) យើង​នាំ​គ្នា​រត់ កាត់​ភ្នំ​ដំបង កំពង់​ចម្លង​ក្រង​ម្កុដ​ស្នេហ៍​ថ្មី ស្រឡៅ​ស្រឡូន​ភ្នំ​កូន​ដំរី សន្សើម​ជោគ​ដី ដៃ​អូន​ជា​ខ្នើយ

បន្ទរ. (ស) ត្រកួន​ព្រលិត​ចិត្ត​ដូច​តែ​គ្នា ស្មោះ​នឹង​ស្នេហា​ពុំ​ដែល​កន្ដើយ (ប) បង​នឹង​ពុះពារ លុះ​ត្រា​ដល់​ត្រើយ អូន​កុំ​ព្រួយ​ឡើយ ណា​ស្រស់​ពាល​ពៅ

៣. (ប) ចង្រិត​ស្រែក​ច្រៀង ចម្រៀង​អភ័ព្វ មន្ត​ស្នេហ៍​ព្រៃគុប ម្លប់​ដើម​ស្រឡៅ (ស) អូន​លក់​បេះដូង ជូន​ទ្រូង​ប្រុស​ពៅ ពេល​នេះ​ត​​ទៅ យើង​បាន​សុខ​អើយ ៕

—

អានុភាព​នៃ​ពុក​​មាត់

ច្រៀងដោយ ស៊ីន ស៊ីសាមុត និងរស់ សេរីសុទ្ធា

១. (ស)​មើល​មេឃ​ មេឃ​ស្រលះ​ភ្លឺ​ថ្លា (ប)​មើល​ផ្កា​ឃ្មុំ​ក្រេប​លំអង (ស)​បុប្ផា​គឺ​អូន​ឯ​ឃ្មុំ​គឺ​បង (ប)​កែវ​កុំ​សៅ​ហ្មង​ឃ្មុំ​បង​ក្រេប​ផ្កា​តែ​មួយ (ស)​បើ​ផ្កា​រោយ (ប)​ឃ្មុំឥត​ព្រួយ មួយ​នឹង​មួយ​មិន​​ផ្លាស់​ទេ (ស)​អូន​មិន​ជឿ​សោះ​សម្ដី​បុរស​ហូរ​ដូច​ទន្លេ (ប)​ជឿ​អ្នក​ណា​មាស​មេ ឬ​មួយ​ជឿ​គេ​ជាង​បង

២. (ប)​ព្រលឹង​កុំ​ទាន់​ខឹង​ពីសី ប្រណី​ហុច​ថ្ពាល់​ឲ្យ​បង បង​សូម​អង្អែល​ អង្អែល​ថើប​ផង ថើ​ប​មួយ​ម៉ឺន​ដង (ស)​នែ​បង​!​ថយ​ចេញ​ឲ្យ​ឆ្ងាយ (ប)​ចេញ​ទៅ​ណា? (ស) ចេញ​ឲ្យ​ឆ្ងាយ! (ប) ឱ!​ឆោម​ឆាយ​មិន​ទៅ​ទេ ចិត្ត​អាក្រក់​ម្ល៉េះ (ស)​មិន​មែន​ចិត្ត​អាក្រក់​ទេ បើ​ចង់​ថើប​ទាល់​តែ​ស្នេហ៍​កោរ​ពុក​មាត់​ចេញ​ទៅ

៣. (ប)​អ៊ី​យ៉ាស!​កោរ​មិន​បានទេ​អូន (ស)​ប្រុស​ស្ងួន​មាន​អ្វី​លាក់​បាំង? (ប)​ពុក​មាត់​បង​នេះ​គឺ​ជា​កម្លាំង តែ​កោរ​ទៅ​អស់​ខ្លាំង​ខ្លាច​ខ្មាំង​សត្រូវ​មើល​ងាយ (ស)​ភរ​ឬ​ភូត? (ប)​នែ!​ឆោម​ឆាយ​បង​និយាយ​កាពិត​ច្បាស់ កុំ​ប្រាប់​អ្នក​ណា​ពី​អានុភាព​នេះ​ ទុក​ពុក​មាត់​ពិសេស​ដើម្បី​ការ​ពារ​ស្នេហ៍​យើង

ភ្លេង

៤. (ប) ឃ្លាន​ណាស់​អើ​..អើយ​ឆោម​ឆាយ តើ​បាយ​ដាំ​ឆ្អឹនហើយ​​នៅ? (ពីរដង) (ស)​ឆ្នឹន​ហើយ​ឱណា​ប្រុស​ពៅ (ប)​មាន​អ្វី​ខ្លះ​ទៅ​…ម្ហូប​អាហារ? (ស)​មាន​គ្រប់​សម្លរ​អាំង​ឆារ​ អញ្ជើញ​ពិសារ​ណា​អ្នក​ប្ដី​អើយ (ប)​តើ​មាន​ប្រហុក​តប់​ទេ​? (ស)​ប្រុស​ស្នេហ៍​មាន​ដែរ​ណា​ប្ដី ប្រុស​ស្នេហ៍​មាន​ដែរ​ណា​ប្ដី
(ប)​អូ!​ត្រូវ​​​​​ហើយ​​​នឹង​អន្លក់​ស្វាយ​ខ្ចី បេះ​ពី​ព្រៃ​ថ្មី​ៗ អូហ៍​!​ស្រក់​ទឹក​មាត់​ច្រោក (ពីរដង)​៕

—

ខ្យល់​រំភើយ​ផាត់

ច្រៀងដោយ រស់​ សេរី​សុទ្ធា
ចង្វាក់ សារ៉ាវ៉ាន់

១ ឱ​រំភើយ​ផាត់អឺងង៉ើយរសាត់​ជំនោរ (ពីរដង) ឮសម្លេង​ថ្ងូរអឺងអើយ​លើ​ចុង​ព្រឹក្សា

២ ឮសម្លេងសត្វ​អឺង​ង៉ើយកាត់​រកគូរ​វា (ពីរដង) រំពង​ព្រឹក្សា​អឺង​ង៉ើយហើរចោល​សម្បុក៕

កុំប្រកែកអីអូន

ច្រៀងដោយ ស៊ីន ស៊ីសាមុត និង​រស់ សេរីសុទ្ធា

ចង្វាក់ រាំវង់

១ (ប) នាងស្រី​នាង​ទៅ​ណា​អូន (ស) មើល​គេ​ភ្លេច​ខ្លួន​មិន​ចេះ​អៀន​សោះ (ពីរដង) ខ្ញុំ​សូម​ស្ម័គ្រស្រី​ដោយ​ស្មោះ (ពីរដង) (ស) ណ្ហើយ​ថយ​ចេញ​ចុះ (ប) ប្រុស​បង​សុំ​ស្នេហ៍ (ស) ខ្ញុំ​មិន​ស្ម័គ្រ​ទេ​ប្រុស​បង​ (ប)​ នួន​ល្អង​សូម​កែវ​អាណិត (ស) កុំ​មក​ជិត​ខ្ញុំ​មិន​ត្រូវ​ការ​

២ (ប) បើអូន​សុខចិត្ត​ព្រ​ម​ស្នេហ៍ (ស) ខ្ញុំ​ខ្លាច​ឳម៉ែ​គាត់​វាយ​គាត់​ចង (ពីរដង) (ប) បើវាយ​ឲ្យ​វាយ​បង​ផង (ពីរដង) (ស) ទេៗ​ប្រុស​បង​ (ប) នួន​ល្អង​កុំព្រួយ (ស) មិន​ប្រថុយ​ទេ​ប្រុស​បង (ប) ស្នេហ៍​ស្នង​កុំ​ប្រកែក​អី (ស) មិន​បេតី​ទេ​ណា​បង

អើយ៕

គោបង​ស្នែង​មួយ

ច្រៀងដោយ ស៊ីន ស៊ីសាមុត និង​រស់ សេរីសុទ្ធា

ចង្វាក់ រាំវង់

១ (ប) នែ៎អូនអឺយមើលផងគោបងស្នែងមួយមេត្តាអូនជួយកុំដេញវាអី (ពីរដង) ឲ្យ​ស្មៅ​វាផង កុំ​ភ្ញាក់​ផ្អើល​ណា​ស្រី​ គោបង​វា​ភ័យ​ណា​ថ្លៃ​អើយ

២ (ស) នែ៎​ប្រុសខិល​ចម្លែក​ខ្ញុំស្រែក​ឥឡូវ (ប) មេត្តាបងទៅ​ឲ្យ​ស្មៅ​វា​ផង (ពីរដង) នែ៎កុំ​មក​កំប្លែងតិចកាច់ស្នែង​គោ​បង រួចប្តឹង​ឲ្យ​សង​ជំងឺចិត្ត​ទៀត៕

ថ្ងៃព្រាត់យប់ជួប

ច្រៀងដោយ រស់ សេរីសុទ្ធា

ទំនុកច្រៀង វ៉ោយ ហូរ

 

១ បងអឺយៗបង ចាំយប់ចាំយើងជួបគ្នា ឥឡូវអូនលា នាំ​ភ្ញៀវ​ឡើង​យន្តហោះ​ហើយ​ទៅ​កំពង់​សោម ហើយ​ណា​បង​អឺយ បង​កុំ​ព្រួយ​ឡើយ អូន​លា​ហើយ​ណា​អ្នក​ប្រុស​ថ្លៃ​ពេល​ថ្ងៃ​យើង​បែក​ពី​គ្នា ពេល​យប់​កាល​ណា យើង​ជួប​គ្នា​វិញ​ទេ​ណា​បង
(ភ្លេង)
២ អូន​ជាបុប្ផា ផ្ការីកនៅក្នុងយន្តហោះ ចិត្តអូនសែនស្មោះ ចំពោះតែបងទេណា​ ជឿ​ចិត្ត​អូន​ចុះ ណា​ប្រុស​ជីវ៉ា នៅ​លើ​វេហា គ្មាន​នរណា​ឆក់​អូន​បាន​ទេ ប្រុស​ស្នេហ៍​បង​កុំ​សង្ស័យ ព្រោះ​នៅ​លើ​ដី ចិត្ត​ស្នេហ៍​ស្រី បង​ឆក់​បាត់​ហើយ៕