ច្រៀងដោយ ស៊ិន ស៊ីសាមុត និងរស់ សេរីសុទ្ធា
១ (ប) ភ្លៀងធ្លាក់ស្រិបៗបងខ្សិបប្រាប់ស្រីថ្ងៃស្អែកថ្ងៃថ្មីបងលាស្រីហើយ លាមួយគ្រាសិនមាសឆ្អិនបងអើយ
លាពូកខ្នល់ខ្នើយធ្លាប់កើយពីរនាក់
២ (ស) សូមបងកុំភ្លេចកុលាបកំសត់ ក្នុងភូមិទុរគត៌ដែលធ្លាប់ថ្នមថ្នាក់ កុំភ្លេចលំនៅដែលធ្លាប់រួមរក្ស
បេះដូងអមតះយើងឆ្លាក់ទុកស្នាម
៣ (ប) បងមិនភ្លេចទេកូនខ្ទមស្នេហា មាត់បឹងសត្យាសច្ចារយឆ្នាំ (ស) ស្ពានដែកស្ពានថ្មតោឈរយំផ្តាំ បងឃ្លាតអូនចាំ
ចាំជួបជានិច្ច
៤ (ប) ឱ ! ថ្ពាល់ក្រហមបងសូមលាសិន (ស) សូមបងសុបិនឃើញអូនជានិច្ច បើបងភ្លេចអូនដូចក្បូនលង់លិច (ប) កុលាបទងពេជ្របងភ្លេចម្តេចបាន
ពោល ៖ (ស) កុំភ្លេចអូនណា៎បង ! (ប) បងមិនភ្លេចទេ តែណ្ហើយ! បងលាមួយគ្រាសិនហើយ ណ៎ាកុលាបបាត់ដំបង៕
No comments:
Post a Comment