ច្រៀងដោយ ព្រាប សុវត្ថិ
១ មើលទឹកហូរបេះដូងថ្ងួចថ្ងូរនឹកដល់ចរណៃ ទីធ្លាប់អង្គុយយប់ថ្ងៃខ្លុយនៅដៃផ្លុំឲ្យស្រីស្តាប់ សម្លេងគ្រហឹមពិរោះរងំ ម៉ុំមបន្ទរត្រាប់ ឥឡូវសល់តែខ្លុយស្កាត់ បាត់ស្រីហឬទ័យខ្លោចផ្សា
២ អូនឃ្លាតឆ្ងាយពេលនេះឆោមឆាយភ្លេចខ្លុយទៅហើយ ខ្លុយបងផ្លុំហៅដង្ហោយ សូមត្រាណត្រើយវិលវិញជីវ៉ា នឹកណាស់នួនល្អងពេលនេះខ្លុយបងសៅហ្មងរងា ឆ្ងាយចិត្តឆ្ងាយកាយយ៉ាងណា មេត្តាកុំភ្លេចខ្លុយស្នេហ៍
បន្ទរ៖ ឬអូនភ្លេចខ្លុយហើយជីវ៉ា តើមានអ្នកណាសណ្តំឱរ៉ាឲ្យម៉ុមលង់ស្នេហ៍ ខ្លុយកំសត់ស្រែកយំយែកតើអូននាងឮឬទេ ក្រោមដួងខែខ្លុយស្នេហ៍នៅចាំមាសមេរ
៣ លើកទូរស័ព្ទចង់ Call ទៅប្រាប់ថាបងនឹកណាស់ តែខ្លាចអូនមិនលើកស្តាប់ ព្រោះអូនមានអ្នកថ្មីនៅក្បែរ គេល្អជាងបងគេមានវាសនាបានថ្នមបំពេរ ទឹកភ្នែកបងហូរឥតល្អែ ខ្លុយស្នេហ៍ក្អូតឈាមរីងរៃ៕
No comments:
Post a Comment