រដូវច្រូតកាត់

ច្រៀងដោយ​ ស៊ីន ស៊ីសាមុត

១ ថ្ងៃមិញបងហួចលើខ្នងក្របី កាត់វាលស្រែស្រី លើកដៃសញ្ញា ល្ងាចអូនច្រូតកាត់ហើយ តោងយាត្រា ទៅកំពង់ទឹកដែលជួបគ្នា ក្នុងក្អមលាក់នំ ឆ្ងាញ់អស្ចារ្យ មានបារីម្លូស្លា ផ្ញើបងផង រួចយើងងូតទឹកលេង ដៃរាវរកគ្នា ហើយសាសង ថាទៅលេងរាំវង់

២ យប់នេះខែភ្លឺកណ្តាលស្រែពៅ សុំពុកម៉ែទៅកុំនៅបង្អង់ បងឡើងយក ទឹកត្នោតមួយបំពង់ ផ្ញើអូនញ៉ាំក្នុងពេលលេងរាំវង់ បង្ការក្រែងហត់ញ័រជង្គង់ ស្រស់ស្រីមានទ្រង់លើសកញ្ញា រួចយើងរាំយើងច្រៀងពេលចូលឆ្នាំថ្មី ស្រីលក់ផ្កា តាមប្រពៃណីខ្មែរ៕