ច្រៀងដោយ ស៊ីន ស៊ីសាមុត
១.
ឱភូមិដើមល្វាកំព្រាម្នាក់ឯង
នៅដាច់សង្វែង កណ្ដោចកណ្ដែងតាមដងព្រឹក្សា
ក្បែរស្ទឹងទឹកហូរកាត់ដុំសិលា
ហាក់ចេញវាចារ អង្វរខ្ញុំថាកុំដាច់អាល័យ
២.
រសៀលទន់ទាបខ្យល់បក់ពីភ្នំ
សំលេងរៃយំ នាំឲ្យចិត្តខ្ញុំរន្ធត់ពេកក្រៃ
បក្សីបក្សាប្រគុំតន្រ្តី
បំពេរម៉ុមស្រី កណ្ដាលទ្រូងព្រៃសូរិយាជ្រៀងជ្រេរ
បន្ទរ.
ស្រណោះជើងភ្នំ
ទោចយំឆ្លងឆ្លើយ
ឱភូមិខ្ញុំអ្ហើយ នឹកមិនភ្លេចទេ
បុប្ផាផ្កាព្រៃ
រីកគ្មានទំនេរ
ផ្គរលាន់បំពេរអនុស្សាវរីយ
៣.
ឱព្រេងសំណាងជួបតែកុសល
វាសនាបានផ្ដល់ សុភមង្គលគ្រប់វិនាទី
ភូមិផ្ដល់ក្ដីសុខគ្មានទុក្ខញាំញី
កាយព្រះធរណី រកស៊ីសុខសាន្តដរាបរៀងអើយ ៕
No comments:
Post a Comment