កម្រងចម្រៀងខ្មែរ: 2015

Tuesday, December 1, 2015

បេះដូងខ្វះគ្នា (ណុប បាយ៉ារិទ្ធ)

១ នៅចាំបានទេអូនធ្លាប់ប្រាប់ថាមិនចោលបងឲ្យនៅតែឯង អូនសន្យានឹងបងនឹងគ្មានថ្ងៃអូននឹងលែងដៃបងឲ្យទៅណា ស្រលាញ់គ្នាហើយមិនព្រមឲ្យបេះដូងម្នាក់ណារងរងា ពេលនេះបងឯកាណាស់ពំុងា ម្តេចក៏មិនឃើញរូបអូន ២ អូនថានឹកអូនបងអាចរាប់មួយដល់បីពេលនោះស្រីនឹងឈរមុខបង បងបិទភ្នែករាប់សូន្យទាំងបេះដូងដឹងហើយថាមិនឃើញ បើកភ្នែកឡើងទឹកភ្នែកក៏ហូរឈឺក្នុងទ្រូងព្រោះចិត្តភ្លើតភ្លើន អូនឈរឯណាបងមើលមិនឃើញ ជំុំវិញខ្លួនមានតែម្នាក់ឯង បន្ទរ៖ ព្រមធ្វើជាអូនតែងនៅក្បែរបងមិនចង់បែកគ្នា ទឹកភ្នែកសួររកពំុងា បាត់គ្នាពីបេះដូង ៣ អូនដែលបងស្គាល់មិនមែនមនុស្សចិត្តដាច់ ឃើញបងឈឺហើយក៏មិនអើពើ អូនមិនព្រមសូម្បីឃើញថាបងស្លាប់នៅមុខអូនយ៉ាងណា បងនឹកអូនបងស្រែកម្នាក់ឯងម្តេចអូនដូចមនុស្សពីរផ្សេងគ្នា យំផ្តាំមេឃថាបងនឹកណាស់ពុំងា តែមេឃាមិនមែនអូន៕

ឃើញសង្សារខ្ញុំទេ? (ណុប បាយ៉ារិទ្ធ)

ផ្តើម៖ ឃើញសង្សារខ្ញុំទេ? អ្នកណាលួចស្នេហ៍ខ្ញុំ អ្នកណាចិត្តធំ មកឆក់បន្លំ លួចយកស្នេហ៍ខ្ញុំ ឲ្យខ្ញុំសុំវិញ តើឃើញស្នេហាខ្ញុំឬទេ? ១ តើអ្នកណាឃើញសង្សារខ្ញុំទេ អ្នកណាលួចស្នេហារបស់ខ្ញុំ អ្នកណាចិត្តធំមកឆក់បន្លំ លួចយកស្នេហ៍ខ្ញុំ តើៗៗៗៗៗឃើញស្នេហ៍ខ្ញុំទេ ២ ញាំស្រាឲ្យស្រវឹង តែមិនស្រវឹងសោះ មេឃខ្មៅទាំងអស់ ស្នេហ៍មានស្លាបហោះ នេះឬស្រីស្រស់ មានចិត្តមិនស្មោះ តើខ្ញុំនៅស្រណោះដល់ណា? ៣ ទេភ្លេចមិនបានទេ ឃើញគេស្មានថាអូន ខំស្ទុះទៅថ្នម ប្រុងអោបត្រកង ស្រែកហៅអូនៗ តែខុសស្រឡះ តើអ្នកណាលួចស្នេហាខ្ញុំ?

Say Goodbye

១ អូនស្អាតមិនខ្វះអ្នកញ៉ែ ដឹងបងស្នេហ៍អូនធ្វើឬកឡូយ ឡួយប៉ះអ្នកណាប៉ះបង ប្រាប់ស្នេហ៍ស្នងបងមិនចេះទ្រ លេងចរឹកបែបនេះមិនបាច់ក៏បានដែរ សុខចិត្តដកចិត្តស្នេហ៍ទៅស្រលាញ់អ្នកផ្សេង បងមិននៅតស៊ូ ក៏មិនឆ្កួតវង្វេងទោះអូនស្អាតហើយក្មេងលែងត្រូវការ បន្ទរ I just wanna say goodbye... មិនចង់ចំណាយពេលនឹងមនុស្សដូចថ្លៃ I just wanna say goodbye... គ្មានអ្វីត្រូវសោកស្តាយ Goodbye Goodbye ១ អូនស្អាតមិនខ្វះអ្នកញ៉ែ ដឹងបងស្នេហ៍អូនធ្វើឬកឡូយ ឡួយប៉ះអ្នកណាប៉ះបង ប្រាប់ស្នេហ៍ស្នងបងមិនចេះទ្រ លេងចរឹកបែបនេះមិនបាច់ក៏បានដែរ សុខចិត្តដកចិត្តស្នេហ៍ទៅស្រលាញ់អ្នកផ្សេង បងមិននៅតស៊ូ ក៏មិនឆ្កួតវង្វេងទោះអូនស្អាតហើយក្មេងលែងត្រូវការ បន្ទរ I just wanna say goodbye... ឬកឡូយដូចមាសមេមិនចង់ចំណាយពេលនឹងមនុស្សដូចថ្លៃ I just wanna say goodbye... តាំងចិត្តឈប់ស្នេហ៍ស្រី ឬកឡូយកប់ដូចថ្លៃ Goodbye Goodbye Just wanna say goodbye. This is the last night, girl. Do you know, girl? I just wanna go. ដឹងគេស្រលាញ់ធ្វើឬកឡូយឥតខ្វល់ ចង់ឲ្យគេទៅទ្រ សូមទោសបងនេះមិនចេះ សុខចិត្តដើរចេញ ទាន់ My heart មិនទាន់ប្រេះ ឈប់តាមញ៉ែអូនទៀតហើយ Goodbye...៕

Wednesday, September 2, 2015

កូនកម្លោះនេះជាសង្សារខ្ញុំ ចេន សាយចៃ

១ ដៃកាន់មេក្រូទឹកភ្នែកស្រក់ចុះ ច្រៀងរឿងស្រណោះគ្រាស្មោះគ្រាស្ម័គ្រស្នេហា ស្តីពីស្រីម្នាក់ឈឺចិត្តស្នើរប្រះឱរា ព្រោះតែសង្សារលួចរៀបការចោលមិនប្រាប់
២ សូមភ្ញៀវចូលរួបកុំភ្ញាក់ភ្អើលអី កូនប្រុសកូនស្រីសុំទោសអស់លោកមេបា ខ្ញុំឈឺខ្លាំងពេកទើបហែកទ្រូងក្នុងរោងការ ឈ្លាតពេលស្រក់ទឹកនេត្រា ស្តីថាដៀលមនុស្សក្បត់ចិត្ត
បន្ទរ កូនកម្លោះនេះតាមពិតជាសង្សារខ្ញុំ គាត់កុហកខ្ញុំមកស្រុកជួបជុំគ្រួសារ តែមិនពិតសោះដឹងអីលបមករៀបការ ដោយទុកសន្យារស្នេហាវិលវិញជួបជុំ
៣ លាហើយសង្សារដែលបោកប្រាស់ខ្ញុំ អ្នកឲ្យខ្ញុំយំ អ្នកឲ្យខ្ញុំស្គាល់សោកា ក្លាយជាមនុស្សល្ងង់ លទ្ធផលអូនស្មោះស្នេហា ជូនពររៀមរ៉ារៀបការហើយរស់ឲ្យសុខ៕

តាំងពីស្គាល់គេអូនប្លែកខ្លាំងណាស់ ខេម

១ តាំងពីស្គាល់គេ អូនប្លែកខ្លាំងណាស់ បងមិនផ្តេសផ្តាសនិយាយត្រង់ៗ ពេលខ្លះធ្វើគពេលខ្លះធ្វើថ្លង់ ហេតុតែមិនចង់ជួបក្តីប្រេះឆា
២ ដល់ហត់ខ្លាំងពេកបិទភ្នែកលែងបាន បងសុំរំខានជួយពិចារណា តាំងពីស្គាល់គេ អូនប្លែកប៉ុណ្ណា បើមិនដឹងណាចាំបងជួយប្រាប់
បន្ទរ សម្តីបែរស្តីគំរោះគំរើយ នៅក្បែរត្រាណត្រើយមានអារម្មណ៍ឈឺចាប់ មួយថ្ងៃដប់ដងធ្លាប់ Call សារសងទូរស័ព្ទ ទម្លាប់នេះប្រែប្រួលបាត់ បែរស្ងៀមស្ងាត់ Call លែងចង់លើក,
៣ សង្ខេបខ្លីចុះកុំឲ្យអូនធុញ សុំមិនជំរុញស្នេហ៍ទៅមុខត ទុកពេលឲ្យគេ សាងស្នេហ៍អូនត ប្រហែលជាល្អជាងស្នេហាបង៕

Saturday, August 29, 2015

កុំដុតបងឈឺពេក ណារិន

១ កើតមកជាមនុស្ស សម្រាប់ឈឺចាប់មែនទេ សប្បាយមួយពេលគ្រាន់តែជាការយល់សប្តិ ភ្ញាក់ឡើងពេលណា ចាប់ផ្តើមមានការធុញថប់ ចង់ឲ្យអតិតត្រឡប់ តែគ្មានសង្ឃឹម
២ អូនមានអ្នកថ្មីអ្វីៗអូនគិតថាល្អ ឯបងស្មោះសជម្រុះអស់ហើយស្នាមញញឹម ហើយអូននិយាយ ដៀមដាមដុតក្តីសង្ឃឹម ថារូបបងមិនអាចប្រៀបផ្ទឹមហ្នឹងគេម្នាក់នោះ
បន្ទរ កុំដុតបងឈឺពេក ឲ្យបងសុំអង្វរ ព្រោះពីមុនក្តីស្មោះសបងឲ្យអូនអស់ បង្អាប់បងចាញ់គេ ទាំងដឹងបងនៅស្មោះ គេកំពុងល្អឥតខ្ចោះក្នុងចិត្តស្រី
៣ ក្រឡេកមើលផង កុំមើលរំលងខ្លាំងពេក អូនជាអ្នកបែកបងទេដែលឈឺរីងរៃ កុំប្រៀបធៀបបងដៀមដាមដុតដោយសម្តី ថាបងមិនស្មើអ្នកថ្មី ដែលស្រីទើបស្នេហ៍៕

សង្សារក្មេងស្ទាវ លី អ៊ីវ៉ាធីណា

១ អ្នកណាចង់នៅក្បែរមកឡែបខាយខ្ញុំគឺមិនបាន សង្សារខ្ញុំប្រច័ណ្ឌតាមសម្លឹងមុខឥឡូវហើយ សូម្បីតែប៉ាខ្ញុំមកកៀកស្មាសឹងមិនបានឡើយ ដើរក្បែរស្រីក៏ដោយគេក៏ត្រូវតែតាមខ្ញុំស្មាន ខ្ញុំឈឺក្បាលវិលមុខស្អប់គេ Care ជ្រុលហួសហេតុពេក រកពេលសប្បាយក៏មិនបាន ដើរទៅណាមកណាឲ្យតែមានមនុស្សប្រុសរំខាន ម្នាក់នោះច្បាស់ជាស៊យធំហើយ
បន្ទរ បងកុំអញ្ចឹងធ្វើឬកបែបហ្នឹងមិនល្អទេ អូនមិនមើលគេព្រោះបេះដូងមានរូបបងហើយ បងកុំអញ្ចឹងទោះបីជាម្តងទៀងក៏ដោយ អូនមិនក្បែរឡើយ បងដើរទៅតែម្នាក់ឯងចុះ
២ បើចង់ដើរទៅផ្សារទាល់តែតែងមុខឲ្យអាក្រក់ កុំឲ្យប្រុសផ្សេងវក់ខ្លាចសង្សារស្ទាវខ្ញុំទាស់ចិត្ត ពេលជួបពួកម៉ាកខ្ញុំគេដេញខ្ញុំមិនឲ្យនៅជិត ខ្ញុំធុញវក់ពេកចិត្តហេតុអីមានសង្សារបែបនេះ ខ្ញុំឈឺក្បាលវិលមុខស្អប់គេ Care ជ្រុលហួសហេតុពេក រកពេលសប្បាយក៏មិនបាន ដើរទៅណាមកណាឲ្យតែមានមនុស្សប្រុសរំខាន ម្នាក់នោះច្បាស់ជាស៊យធំហើយ
Rap: យប់មិញខ្ញុំដើរទៅផ្សារៗបានជួបលោកតា សង្សារខ្ញុំស្ទាវមិនយល់មុខចាស់ហៀបនឹងដាក់គាត់មួយដៃ ឃើញពូអ្នកសុំទានៗ ខ្ញុំឲ្យលុយគាត់ពីថ្ងៃ យប់ឡើងឃើញមុខខៀវបាក់ដៃឃើញមុខខ្ញុំចង់រត់គេច ពេលជួបពួកម៉ាកៗគេមិនចង់ហ៊ាននិយាយរកខ្ញុំបើសិនគេនៅជួបគ្នាជំុៗឃើញខ្ញុំបែកហ្វូងអស់ហើយ៕

មានអារម្មណ៍ថាអត់ចង់រស់ ករុណា ពេជ្រ

១ ពីមុនស្គាល់ចិត្តអូនតិច ទើបភ្លេចគិតដល់ថ្ងៃបែក ស្របពេលចិត្តរហែកមិនអាចប្រកែកព្រោះដល់ពេលហើយ ព្យាយាមកុហកខ្លួនឯងថាអូនមិនទាន់ប្រែប្រួលឡើយ តែតាមពិតចុងក្រោយបងអស់ស្និទហើយអស់ស្និទក្បែរអូន
២ មានអារម្មណ៍ថាឈឺចាប់ខ្លាំង មានអារម្មណ៍ថាអត់ចង់រស់ មានអារម្មណ៍គ្មានអ្វីអាចជួសជុលរឿងកន្លង អូនប្រឹងភ្លេចឯបងប្រឹងចាំ ខ្វែងគំនិតមិនសមបំណង ហេតុតែនៅស្រលាញ់អូនទើបនៅឈឺផ្សា
បន្ទរ អ្នកណាក៏ដឹងថាយើងពីរនាក់ ពីមុនធ្លាប់សង្សារនឹងគ្នា បើសិនបែកពុំងារតើឲ្យបងគិតយ៉ាងណា អ្នកស្គាល់ច្បាស់ជាសួរបងពេលដែលបាត់រូបជីវ៉ា តើបងឆ្លើយយ៉ាងណានឹងសំនួរគេ សូម្បីពេលខ្លះមិនបានជួបអូន ក៏ក្នុងចិត្តបងនៅមិនស្ងប់ ទម្រាំស្នេហ៍បញ្ចប់គឺបងធ្វើមិនបានទេ បើប្រាប់គេអូនបែកបង ក៏គេមិនអាចជឿដែរ ព្រោះពីមុនចិត្តស្នេហ៍អូនស្មោះបងខ្លាំងណាស់៕

Saturday, July 25, 2015

លើលោកនេះមានអ្នកណាចង់ក្រ (ខេម)

១ លាស្រុកលាស្រែលាម៉ែលាពុកអើយ ដើម្បីថ្ងៃមុខក្រែងរស់ធូរធា ទៅធ្វើពលករទាំងចិត្តរងារ ពោលពាក្យថាលាទាំងទ្រូងស្ទើរបែកអើយ
២ មកដល់ស្រុកគេនឹកស្រុកខ្មែរណាស់ នឹកភូមិនឹកផ្ទះ ដេកហូរទឹកភ្នែក ការងារធ្ងន់ស្រាលខំមិនអល់អែក ព្រោះចង់ឃើញស្អែកជួបជុំគ្រួសារអើយ
បន្ទរ៖ នៅលើលោកនេះអ្នកណាចង់ក្រ ចង់រស់ត្រដរវេទនាខ្លោចផ្សាអើយ គ្មានអ្នកចង់ទេនៅលើលោកា គ្រប់រូបប្រាថ្នាតែងចង់មានបាន
៣ ជីវិតអ្នកក្រធ្វើពលករគេ អ្នកមានតែងតែ រស់នៅសុខសាន្ត ចង់គេចក្រណាស់ចង់ស្គាល់មានបាន វាសនាជួយច្រានបំណងខ្ញុំផងអើយ៕

រស់ដើម្បីអ្នកណា (ប៊ុត សីហា & ចំរើន សុភក្រ្ត)

១ ឆាកជីវិត ប្រៀបដូចខ្យល់ រស់កំដរវាសនា ផ្លូវដើរពេញដោយបន្លា ភាពរីករាយ កើតលាយឡំជាមួយបញ្ហា រឿងទុក្ខា គ្មានអ្នកណាជៀសបាន សម្លឹងជីវិតដោយដួងចិត្តចេះអាណិតហើយត្រូវក្លាហាន រស់ឲ្យបានរីករាយ សម្លឹងមើលទៅមេឃហើយក៏ស្រែក រូចបិទភ្នែកគិតឲ្យទូលាយ ចិត្តធ្លុះធ្លាយ សួរថា
បន្ទរ៖ រស់ដើម្បីអ្នកណា រស់ដើម្បីស្នេហា រស់ដើម្បីអ្នកណាដែលស្រលាញ់យើង បើដើរដួលត្រូវក្រោកឡើយ ឈានជើងដើរទៅមុខបន្ត រស់ដើម្បីអ្នកណា រស់ដើម្បីគ្រួសារ រស់ដើម្បីអនាគតរបស់យើង ការឈឺចាប់ធ្វើឲ្យយើង កាន់តែរឹងមាំ កុំចាញ់វាសនា ហូ...
២ ពេលឯកា ស្តាប់បទណាផ្តល់ក្តីសង្ឃឹម ហើយញញឹម សម្លឹងមើលទ្វិបលោក សម្លឹងមើលជីវិតដោយដួងចិត្តចេះអាណិតហើយត្រូវក្លាហាន រស់ឲ្យបានរីករាយ សម្លឹងមើលទៅមេឃហើយក៏ស្រែក រូចបិទភ្នែកគិតឲ្យទូលាយ ចិត្តធ្លុះធ្លាយ សួរថា

គ្មានស្តាយ បាន មុនីល័ក្ខ

១ ឃាត់បានត្រឹមតែកាយ ឃាត់ចិត្តមិនបានទេ ខំស្រលាញ់មាសមេ បងបែរលួចទៅធ្វើផ្តេសផ្តាស កុំគិតថាអូនទ្រឬក៏ធ្វើមុខក្រាស់ តទៅបងលែងមានឱកាសបោកប្រាស់អូនទៀតហើយ គ្មានពេលទំនេរអង្គុយស្តាយក្រោយ ទាត់សង្សារក្បត់ចិត្តចោលឲ្យហើយ មិនខ្ចីយំព្រោះមនុស្សដូចត្រាណត្រើយ មិនអង្វរបងឡើយចង់ទៅណាក៏ទៅៗ
បន្ទរ៖ គ្មានបងបេះដូងអាចសើចសប្បាយ តទៅគ្មានរឿងអ្វីត្រូវខ្វល់ខ្វាយ ឈប់ពាក់ព័ន្ធនឹងមនុស្សស្មោះក្លែងក្លាយ Let me say goodbye, goodbye baby ឃាត់បានត្រឹមតែកាយ ឃាត់ចិត្តមិនបានទេ ខំស្រលាញ់មាសមេ បងបែរលួចទៅធ្វើផ្តេសផ្តាស កុំគិតថាអូនទ្រឬក៏ធ្វើមុខក្រាស់ តទៅបងលែងមានឱកាសបោកប្រាស់អូនទៀតហើយ
២ ទទួលស្គាល់អូនមានកំហុស គឺខុសដែលទៅស្រលាញ់រៀមរ៉ា ធ្លាក់ខ្លួនក្លាយជាទាសករស្នេហា ដួលមិនយូរទេណា ត្រូវតែក្រោយឈរ មើលមុខអូនហើយចាំទុកឲ្យច្បាស់ ជាក់ណាស់មិនដែលត្រឡប់ថយក្រោយ គ្រាន់តែចង់រំលឹកបងឲ្យហើយ ក្រែងលោទៅថ្ងៃក្រោយសុំឲ្យត្រូវគ្នាវិញ ឃាត់បានត្រឹមតែកាយ ឃាត់ចិត្តមិនបានទេ ខំស្រលាញ់មាសមេ បងបែរលួចទៅធ្វើផ្តេសផ្តាស កុំគិតថាអូនទ្រឬក៏ធ្វើមុខក្រាស់ តទៅបងលែងមានឱកាសបោកប្រាស់អូនទៀតហើយ
គ្មានពេលទៅស្តាយក្រោយឡើយ...
គ្មានពេលទៅស្តាយក្រោយទេ...៕

ពាក្យពេជ្រ ព្រាប សុវត្ថិ

១ ឱពាក្យអើយពាក្យពេជ្រ រំលេចដោយបេះដូងមាស បងផ្ញើជូនចំពោះ តែស្រីស្រស់ម្នាក់ប៉ុណ្ណោះ ទៅទីណាជីវ៉ាឲ្យបងសែនស្រណោះ នឹកគ្មានលោះវិនាទីណា
២ បើនិស្ស័យស្នេហ៍ពិត សូមឋិតឋេរជាអមតៈ ចងចិត្តជាប់ជំពាក់ បេះដូងអូននិងរៀមរ៉ា ទោះជាតិនេះជាតិក្រោយ សូមឲ្យបានជួបស្នេហា មិនសាវ៉ាប្រាថ្នាគូថ្មី
បន្ទរ៖ បើអូនទៅឆោមឆ្លៅមិនដូចបំណង សូមនួនល្អងត្រឡប់រកបងណាស្រី ចាំថ្នាក់ថ្នមបីបម លួងលោមឆោមពិសី មិនឲ្យស្រីអាក់អន់ចិន្តា
៣ ឱពាក្យអើយពាក្យពិត ពាក្យពេជ្ររំលេចចិត្តស្មោះ ទោះជាបងស្លាប់រស់ មិនប្តូរឈ្មោះកន្និដ្ឋា ពាក្យកូនប្រុសដូចពេជ្រ កាត់ថ្លៃមិនបានឡើយណា ចាំស្នេហាជីវ៉ាវិលវិញ៕

សុំពេលពីរបីនាទី ព្រាប សុវត្ថិ

១ មានវេលាពីរបីនាទីឬទេ បើអូននាងនៅទំនេរ បងសុំសួរអូនពីរបីម៉ាត់ មកពីឆ្ងាយបងខំស្កាត់មកជួបមាសមិត្ត រឿងដែលបងខំលាក់ក្នុងចិត្ត តែវាពិតសំខាន់ណាស់ថ្លៃ
បន្ទរ៖ ករុណាស្តាប់បង ឲ្យបានចប់សព្វគ្រប់ ហើយចាំបូកសរុប ណាពិសី បើអូនមានវេលាសូមអូនវិនិច្ឆ័យទទួលយកសេចក្តីដែលបងស្នើ បិទភ្នែកឃើញតែរូបមានស្ងួនបើកភ្នែកឃើញអូនគ្រប់ពេលវេលាគឺមានតែអូនហេតុអ្វីទៅស្ងួន យល់សប្តិយល់សូងឃើញតែស្នេហ៍ស្នងទាំងយប់ទាំងថ្ងៃ តើគិតយ៉ាងណាទៅស្រី ចង់បានអូននែបនិត្យជិតខ្លួនបងស្នេហ៍តែអូន ពេញមួយជីវិតគ្មានអូនបងស្លាប់សូមអូនអាណិតមកដល់ដួងចិត្តស្នេហ៍ពិតណាថ្លៃ សូមអូនប្រណីនេះជាសម្តី ចេញពីចិត្តស្មោះមិនភូតកុហកបោកបន្តិចសោះស្នេហ៍ស្មោះចំពោះត្រាណត្រើយ ឆ្លើយមកណាស្រី
២ ខំលាក់ទុកក្នុងចិត្តស្ទើរធ្លាយដើមទ្រូង ព្រោះគិតថាមិនសមសួន ទើបមិនហ៊ានសួរអូនណាថ្លៃ តែពេលនេះចិត្តបេះដូងស្ទើរតែក្សិណក្ស័យ ទើបដាច់ចិត្តសួរត្រង់សេចក្តី តើចរណៃអូនយល់យ៉ាងណា៕

ឈប់ Call មកឲ្យបងយំម្តងទៀត ព្រាប សុវត្ថិ

១ តើរស់ម្តេចទៅ បើទ្រូងផ្សាក្តៅពេញដោយទុក្ខព្រួយ បានជួបស្នេហ៍ហើយ បែរជាខ្ចាត់ខ្ចាយព្រាត់ប្រាស់ទីទៃ ថាទៅក៏ទៅ ដាច់ចិត្តណាស់ស្រី មិនគិតហឬទ័យ អ្នកដែលស្នេហ៍ស្រីរស់របៀបណា
២ ឈឺចាប់ព្រោះអូន ដូចគេពុះទ្រូងរូងយកប្រមាត់ អូនចេញទៅបាត់ លោកនេះស្ងប់ស្ងាត់ឥតមានខ្លឹមសារ ស្លាកស្នាមរបួស គ្មានថ្ងៃផ្សះផ្សារ កម្មកាចប្រហារ ដាក់ទោសស្នេហាខ្ញុំឲ្យអភ័ព្វ
បន្ទរ៖ ដូចកាត់ទឹកក៏មិនដាច់ កាត់សាច់ក៏មិនបាន ឱកល្យាណបងឈឺចាប់ សុខៗ Call រកបងបំណងឲ្យបងឈឺចាប់ មេត្តាអូនឈប់ទូរស័ព្ទ បើអូនដាច់ចិត្តទៅហើយ មិនបាច់ធ្វើបារម្ភ កុំខំធ្វើជាខ្វល់ខ្វាយ បងមិនអាចទ្រាំបានឡើយ ចង់នៅស្ងាត់ៗម្នាក់ឯង
៣ ឈឺចាប់បំផុត សូមជូបចិត្តក្បត់ត្រឹមតែជាតិនេះ ជាតិក្រោយស្មាលា អស់កម្មអស់ពារពីភពចម្បែង ជាតិនេះបងរស់ កណ្តោចកណ្តែង ស្នេហ៍ដូចជាផ្សែងវិលវល់វង្វេង ហើយរលាយសូន្យ៕

ពេលណាបែកគ្នាបងដាក់ពាក្យ ព្រាប សុវត្ថិ

ពេលណាបែកគ្នាប្រាប់បងផងណា បងដាក់ពាក្យ
១ មិនមែនចង់ធ្វើតួកាច បំបែកបំបាក់ស្នេហ៍គេ ប៉ុន្តែទើសភ្នែកឃើញគេធ្វើបាបសង្សារ
២ មិនមែនចង់ធ្វើតួរង មិនចង់ចាញ់ប្រៀបអ្នកណា តែព្រោះចិន្តាចង់ការពារមនុស្សម្នាក់នេះ
បន្ទរ៖ ចង់ជូតទឹកភ្នែក ឲ្យផ្អែកទ្រូងនេះ គ្រប់វិនាទីបុរសម្នាក់នេះចង់មើលថែអូន គេមិនចេះថែ ទុកឲ្យម្នាក់នេះ ហេតុអ្វីជីវីឲ្យគេជាន់ឈ្លីមិនព្រមបែកគ្នា ពេលណាបែកគ្នាប្រាប់បងផងណា បងដាក់ពាក្យ សន្តានចិត្តមនុស្សម្នាក់នេះ គ្រាន់ចង់ឃើញអូនសប្បាយចិត្ត ចង់ឲ្យអូនមានជីវិតថ្មី តស៊ូធ្វើអ្វីគេមិនអាណិត មិនមែនស្នេហ៍ពិត កុំនៅធ្វើបានខ្លួនឯង
៣ បងចង់មានសិទ្ធហូងហែងច្រណែននឹងគេម្នាក់នោះ គេចិត្តមិនស្មោះ ហេតុអ្វីយកបានចិត្តអូន៕

Friday, July 24, 2015

នឹកគេខ្លាំណាស់ ម្ចាស់ថ្លៃអើយ ព្រាប សុវត្ថិ

១ នឹកគេខ្លាំងណាស់ ម្ចាស់ថ្លៃអើយ ឆ្កួតមិនខានឡើយបើតែយ៉ាងនេះ បេះដូងលោតញាប់ខុសធម្មតា ឈឺអួលផ្សារៗគ្រប់នាទី
២ នៅមិនសុខទេ ចង់ជួបគេណាស់ ម្តងៗស្ទើរស្ទះទ្រូងប្រេះជាពីរ គេធ្វើមិនដឹងខឹងខ្លួនឯង ប្រច័ណ្ឌហួងហែងគ្រប់នាទី អារម្មណ៍វក់វីគ្មានទីបញ្ចប់
បន្ទរ បាត់មុខមិនបាន ប្រាណនៅមិនស្ងៀម បែកមួយជំហ៊ានអារម្មណ៍មិនស្ងប់ បើតែយ៉ាងនេះរស់ម្តេចទៅ ខ្លាចត្រូវគេស្អប់ ដឹងខ្លួនគួរស្អប់តាមស្រលាញ់គេ
៣ កុំស្អប់បងណា ម្ចាស់ស្នេហាអើយ រំខានត្រាណត្រើយធុញបងមែនទេ ឃាត់ដៃមិនឲ្យចុចទូរស័ព្ទ ឃាត់ចិត្តមិនឲ្យគិតមាសមេ ទ្រាំមិនបានទេ ចង់តែអឺ..៕

វង្វេងមួយពេល ព្រាប សុវត្ថិ

១ ក្នុងលោកនេះគេថាមនុស្សដែលគ្មានស្នេហា ប្រៀបដូចតារាដែលរះខ្វះពន្លឺ ប៉ុន្តែស្នេហាធ្វើឲ្យឈឺ ស្នេហ៍គឺសាហាវជាងអ្វីៗក្នុងលោកហ្នឹង
២ តាមពិតទៅខ្ញុំនេះមិនមែននៅទំនេរ តែពេលជួបគេខ្ញុំភ្លេចស្នេហ៍ខ្ញុំឈឹង លង់ចិត្តផុងខ្លួនដល់ស្រវឹង ស្អាតអីយ៉ាងហ្នឹងអញ្ចឹងបានខ្ញុំស្រើបស្រាល
បន្ទរ៖ ខ្ញុំវង្វេងមួយពេល ភ្លេចខ្លួនជាអ្នកណា ធ្វើឲ្យស្នេហ៍ស្មោះស្រក់ទឹកនេត្រា នឹកឡើងពេលណា ខ្មាស់អាត្មាពេកក្រៃ
៣ រឿងស្នេហាត្រូវពិចារណាមុនលង់ចិត្ត ប៉ះមនុស្សមិនពិតប្រយ័ត្នខូចដួងចៃ ត្រូវចេះរក្សាអ្វីក្នុងដៃ កុំទៅស្រម៉ៃអ្វីមិនមែនរបស់យើង
៤ ស្រាស្រវឹងមួយថ្ងៃ ស្នេហ៍ស្រីស្រវឹងប៊ិះស្លាប់ ទម្រាំតែដឹងឈឺចាប់ប៊ិះហួសពេល រូបអូនមានបងតែម្នាក់ តែបងវិញលួចលាក់មានគេ សូមមាសមេលើកលែងឲ្យបងផង

បន្ទប់ជួលអភ័ព្វ ព្រាប សុវត្ថិ

១ លាស្រុកលាស្រែ លាម៉ែមកធ្វើការងារ តាមគ្នីតាមគ្នា ដើម្បីជីវភាពគ្រួសារ បន្ទប់មួយខែ៤០ដុល្លា រស់នៅបួនប្រាំអាត្មា គ្មានអ្នកណាត្អូញត្អែរ
២ កម្មកររោងចក្រ ធ្វើការគ្មានក្តីស្រណុក ហូបចុកមិនគ្រប់ នឹកស្រុកនឹកពុកនឹកម៉ែ និស្ស័យថ្ងៃមួយក៏បានជួបស្នេហ៍ សន្យាស្រលាញ់មិនប្រែ មិនចោលគ្នាទោះជាយ៉ាងណា
បន្ទរ៖ បន្ទប់ជួល ជួបគ្នាល្ងាចព្រឹក ឥឡូវសល់ត្រឹមពាក្យនឹក នឹកហើយហូរទឹកនេត្រា អូនឈប់នៅហើយឈប់មកធ្វើការ ឮគេថា អូនមានអ្នកថ្មី
៣ ចៃដន្យជួបគ្នា ពុំងារធ្វើជាមិនស្គាល់ អយុត្តិធម៌ សម្រាប់កម្មករក្រក្រី អ្នកមានៗប្រៀបជាងចិត្តភក្តី បន្ទប់ជួលក៏បាត់ស្រី លែងនិយាយទៅស្រុកវិញហើយ / លែងនិយាយទៅជួបពុកម៉ែវិញ៕

Wednesday, July 22, 2015

ឆេះបេះដូង - ព្រាប សុវត្ថិ - RHM 530

១ មនុស្សជាច្រើន បានប្រាប់បងថា អូនមិនស្មោះនឹងក្តីស្នេហា បងគិតថាគេមុសា ពាក្យសន្យាអូនមិនបោះបង់
២ ទើបថ្ងៃនេះបងឃើញផ្ទាល់ភ្នែក ដូចគេពុះជ្រែកច្រៀកបេះដូង អូនបណ្តើរគេមុខបង ទ្រូងសៅហ្មងចុកចាប់ពេកក្រៃ
បន្ទរ៖ ប្រៀបដូចជាត្រូវរន្ទះបាញ់ចំបេះដូង ឆេះខ្លោចពេញដើមទ្រូង ខ្លួនបងក្លាយជាផេះផង់ ហូ... ស្នេហ៍បងអស់តម្លៃ ស្រីជាន់ឈ្លីឱរ៉ា អូនជ្រើសគេចោលរៀមរ៉ា បងក្លាយជាមនុស្សសំណល់ បងគ្មានអ្វីអស្ចារ្យ ឲ្យសក្តិសមហ្នឹងនិមល បងមានតែទុក្ខកង្វល់ ដែលអូនបានបន្សល់ទុកឲ្យបង
៣ ទ្រូងសង្វេគទឹកភ្នែកស្រក់ហូរ ស្រែកថ្ងួចថ្ងូរសោកសៅដួងចិត្ត បងរស់នៅទាំងរួមរិតនឹងជីវិតដ៏សែនស្ងប់ស្ងាត់
បេះដូងឆេះក្លាយជាផេះផង់...៕

អូនបានឡានបញ្ឈឺបង - ព្រាប សុវត្ថិ RHM - 530

១ ដើមត្នោតឈរធ្មឹងហាក់មិនអើពើ ទោះត្រូវខ្យល់ភ្លៀងបក់លើ អស់សង្ឃឹម សូរិយាពេលព្រឹកក៏ប្រែលែងហ៊ានញញឹម ភ្លៀងលែងរលឹមស្រុកស្រែព្រាត់ស្រី

២ ធ្លាប់បណ្តើរគ្នាទៅរៀនកាត់ស្រែ នៅក្បែរចិញ្ចឹមចិត្តស្នេហ៍ ពីក្មេងវ័យ រឿងយើងទាំងពីរបានរក្សាភាពស្រស់ខ្ចី ពេលនេះហេតុអ្វីឲ្យស្រីក្បត់បង

បន្ទរ៖ ស្រែយើងធ្លាប់ដើរកាត់ក្លាយជាថ្នល់ អូនបើកឡានបញ្ឈឺឌឺបងឲ្យខូចចិត្ត ញាតិផៅពេញភូមិសរសើរស្រស់ស្រីវមិត្រ ឲ្យបងខូចចិត្ត ដូចស្លាប់បិទភ្នែកមិនជិត

៣ វាលស្រែក្តៅហែងដូចចេញតាមភ្នែក ដូចគេពុះហែកពីដួងចិត្ត អូនមានប្រុសថ្មីបណ្តើរអោបរិត រឿងពីអតិត គ្មានន័យទៀតឡើយ៕

Lady - ព្រាបសុវត្ថិ - RHM 530

១ ហេតុអ្វី ស្រីចាកចោលបង ក្នុងបេះដូងបងរលាយក្លាយជាផេះផង់ហើយ បងមិនអាចរស់គ្មានអូនឡើយ ជីវិត បងទទេរស្អាត ពេលនេះទ្រូងបែកប្រេះ បងស្ទើរឆ្កួតវង្វេងអស់ហើយ វិលវិញអូនអើយ
បន្ទរ៖ Lady, won't you save me? My heart belongs to you. Lady, can you forgive me for all I've done to you. Lady, oh Lady
២ ហេតុអ្វី ស្រីចាកចោលបង ក្នុងបេះដូងបងរលាយក្លាយជាផេះផង់ហើយ បងមិនអាចរស់គ្មានអូនឡើយ វិលវិញវិលរកទ្រូងបង បងសូមអង្វរ អត់ទោសឲ្យបងយើងផ្តើមស្នេហ៍ជាថ្មី សូមមេត្តាដល់បង៕

Tuesday, May 19, 2015

រដូវភ្លៀងធ្លាក់

ច្រៀងដោយ កែវ សារ៉ាត់

១. រដូវភ្លៀងធ្លាក់នៅស្រុកយើង ផ្គរលាន់ឯជើងគ្រហឹមថ្ងូរ (២ដង) មេឃខ្មៅត្រជាក់ធ្លាក់ជំនោរ ទីទុយ មាមថ្ងូរជ្រែករាត្រី អើយ…យើយៗៗ

២. កង្កែកបបូកយំក្នុងបឹង ស្រែកយំទ្រហឹងតាមគង្គា (២ដង) ព្រលឹមស្វាងរះព្រះសុរិយា អ្នកស្រែចម្ការទឹមគោក្របី អើយ…យើយៗៗ

R. នឹកឡើងសែនស្តាយអនុស្សាវរីយ៍ កាលយើងទាំងពីរនៅក្មេងវ័យ (២ដង) បងណាត់ជួបអូនក្រោមដើមជ្រៃ រួចនាំស្រីថ្លៃហែលទឹកថ្លាឈ្វេង អើយ…យើយៗៗ។

III. ស្រណោះទួលពោធិ៍ក្បែរបឹងព្រៃ បងនាំអូនស្រីជិះទូកលេង (២ដង) កុកក្រៀលក្រសារស្រែកក្តែងៗ អកុសលចំបែងឲ្យយើងព្រាត់ឆ្ងាយ យើយៗៗ
អូ…អូ…អូ…អូ… អូ…អូ…អូ…អូ………

ដំណើរឆ្លងដែន

ច្រៀងដោយ កែវ សារ៉ាត់

១. ដំណើរឆ្លងដែនអួលណែនឱរា កាត់គ្រាប់កាត់ព្រៃព្រឹក្សា វាសនាកំសត់ណាស់អូន ដៃម្ខាងឱ ស្រីដៃម្ខាងបមបីកូនស្ងួន វេទនាស្ទើរជីវិតសូន្យ តើអូននាងចាំបានទេ ?

២. មកដល់ដីថ្មីស្រីអូនផ្លាស់ចិត្ត ដូចពស់ក្បាលពីរក្បត់ផិត ទ្រូងបងចុកឈាមគ្មានល្ហែរ ឆ្ងាញ់យ៉ាងណាទៅ ? ដង្កូវជ្រាំជនជាតិគេ មិននឹកស្មានថាមាសមេ បែររេព្រោះស្រេកតណ្ហា

R. ជេរ ឬជូនពរស្រីចិត្តសាមាន្យ លបលួចបើកសោសុវណ្ណ ឲ្យព្រានពួនរួមកាយា…អើយ ឃើញច្បាស់នឹងភ្នែកស្រីប្រឹងប្រកែកដោះសារ ចំណងស្នេហ៍យើងកំព្រា ជីវាស្រាយក្បត់បំពាន

៣. នៅមុខចៅក្រមស្រីខំបំភ្លៃ ដោះសារចោរព្រហ្មចារី ផុតភ័យពីទណ្ឌកម្មបាន ណ្ហើយចុះបងសូមលា ពុំងារនៅឲ្យសុខសាន្ត លាស្រីចិត្តចើកតិរច្ឆាន កល្យាណបងសូមជូនពរ៕

Thursday, May 7, 2015

ជូនពរមនុស្សពីរនាក់

ច្រៀងដោយ គៀត សុវណ្ណាឡាង
ផលិតកម្ម Pleng Record គេអស្ចារ្យហើយ

១ មនុស្សដែលធ្លាប់តែជឿជាក់ថាល្អគ្រប់ដប់ ការពិតគេប្រសព្វលួចលាក់ស្នេហាក្រោយខ្នង អ្នកណាមិនស្រលាញ់ បែរជាស្រលាញ់នួនល្អង ពេលនេះបងតបស្នងយ៉ាងសក្តិសមណាស់ថ្លៃ
២ បើលួចលាក់មានស្នេហាផ្សេងមិនរកអ្នកក្រៅ លួចស្និទស្នាលមានរឿងអាស្រូវមិត្តជិតស្និទស្រី ទះដៃពីរទើបឮ មិនមែនខុសម្នាក់ទេថ្លៃ ឆ្ងល់រាល់ថ្ងៃទង្វើចរណៃខុសប្លែក
បន្ទរ៖ នៅទីបញ្ចប់ដឹងមុនហើយថា ថ្ងៃនោះគង់មកដល់ គ្មានអ្វីសេសសល់សម្រាប់មនុស្សដែលលះបង់ មើលថែនាងឲ្យល្អ នាងជាមិត្តល្អហ្នឹងអូន ហើយសង្ឃឹងថានាងស្រលាញ់បងជាងអូន ទឹកភ្នែកពេលនេះផ្ញើជូនមនុស្សពីរនាក់ដែលក្បត់ខ្ញុំ មិត្តរបស់ខ្ញុំពិតជាធ្វើបានល្អជាងគេ សង្សារសម្លាញ់ចិត្តគិតថាអូនល្ងង់មែនទេ ជូនពរស្នេហ៍គង់វង្សឋិតថេរជារៀងរហូត៕

គេអស្ចារ្យហើយ

ច្រៀងដោយ ម៉ានិត
ផលិតកម្ម Pleng Record គេអស្ចារ្យហើយ

១ តាំងពីថ្ងៃដែលគេដើរចូលមក បងដឹងហើយថាយើង នឹងទៅជាបែបណា រហូតមកដល់ថ្ងៃនេះបងទើបដឹងគេយ៉ាងណា គេមិនបានយល់ចិត្តអូនបន្តិចទេ មិនបានធ្វើដូចបងធ្លាប់ធ្វើនោះទេ
២ គេមិនបានមើលថែអូនដូចបងទេ គេខ្វល់តែចិត្តគេ គេក៏មិនបានស្គាល់អូនច្បាស់ដូចបងស្គាល់មាសមេ តែដឹងទេក្នុងភ្នែកជីវ៉ា គេហាក់ដូចជាមនុសុ្សអស្ចារ្យ បងខំប៉ុណ្ណាក៏មិនដូច
បន្ទរ ពេលគេយំក៏គេល្អ (គេមើលទៅមានតម្លៃ) ពេលគេខុសក៏គេល្អ (គ្រប់គ្នាក៏តែងតែអភ័យ) គេធ្វើអ្វីក៏អស្ចារ្យៗ គ្រប់កាយវិការគេល្អគ្រប់យ៉ាង ពេលគេខឹងក៏គេល្អ (មានអ្នកលួងអ្នកដឹកដៃ) ព្រមទទួលថាខ្ញុំចាញ់ (ព្រមទទួលថាគេជោគជ័យ) គេធ្វើអ្វីក៏អស្ចារ្យ ឈរស្ងៀមៗក៏អស្ចារ្យខ្ញុំគ្មានផ្លូវណាអាចសាងចេតនា ទ្រាំចាកចេញ
អូនគ្មានអ្នកណាក៏នៅមានបង បងនៅទីនេះរង់ចាំកំដរ Baby Don't Cry Babe Baby Don't Cry Baby Don't Cry Babe Baby Please

មានអីសួរអត់?

ច្រៀងដោយ ម៉ានិត
ផលិតកម្ម Pleng Record គេអស្ចារ្យហើយ

១ ស្គាល់គ្នាយូរហើយតែមិនហ៊ានសុំស្នេហ៍ លួចស្រលាញ់គ្នាយូរដែរតែមិនហ៊ាននិយាយ មាត់ហើបមិនរួច មិនដឹងទេថាកើតអី ប្រហែលមកពីនិស្ស័យខ្ញុំមិនល្អ
២ ជួបគ្នារាល់ថ្ងៃគេមិនដែលសួរថា ពាក់ព័ន្ធនឹងរឿងស្នេហាបន្តិចឡើយ មិនដឹងចិត្តខ្ញុំឬគេដឹងបាត់ទៅហើយ មុខខ្ញុំុបញ្ជាក់ចម្លើយពេកទេដឹង
បន្ទរ មានអ្វីចង់សួរខ្ញុំទេ ដូចជាខ្ញុំស្រលាញ់អ្នកណា ឬក៏អូនអាចសួរថាមានអ្នកណានៅក្នុងចិត្ត សួរមកខ្ញុំសន្យាថា ខ្ញុំឆ្លើយការពិត មិនភរថាតើក្នុងចិត្តមានអ្នកណា ខ្ញុំក៏លួចស្នេហ៍មនុស្សម្នាក់ គេនៅក្នុងបេះដូងនៅឡើយ ម្នាក់នៅទល់មុខខ្ញុំនេះហើយដែលខ្ញុំលួចស្រលាញ់ជាយូរ តែបានត្រឹមឈរមើលខ្នងគេ សួរគេម្នាក់ឯងនៅក្នុងចិត្ត ចង់ណាស់ចង់ប្រាប់ការពិត ថាក្នុងចិត្តមានអ្នកណា?
សួរបងមួយម៉ាត់បានទេ នឹងបានសារភាពស្នេហា សួរថាបងស្រលាញ់អ្នកណា បងនឹងឆ្លើយប្រាប់អូនភ្លាម ថាម្នាក់នោះជារូបអូន បងស្រលាញ់មករហូត សួរបងមក យេៗ

Wednesday, April 22, 2015

Avengers: Age of Ultron Press Conference in Full (Whedon, Johansson, Ruf...

Friday, March 27, 2015

ប៉ាដឹងប៉ាវ៉ៃ

ច្រៀងដោយ ព្រាប សុវត្ថិ
រស្មីហង្សមាស 525

ឈឹងអាវ៉ាកូនឈឹងយប់ហ្នឹងប៉ានៅផ្ទះទេ ម៉ែឯងមើលទៅមិនស្រួលទេ ចង់រាំហ្នឹងគេនៅក្បែរៗភូមិ ឈឹងអាវ៉ាកូនឈឹងយប់ហ្នឹងប៉ាៗសុំម្តង ចង់រាំជាមួយអ្នកផង ប៉ាៗសុំម្តងកុំមាត់ប្រាប់ម៉ែឯង

ដឹងប៉ាដឹងប៉ាវ៉ៃ ហ៊ានប្រាប់ម៉ាក់ប៉ាដឹងប៉ាវ៉ៃ (បីដង)

ឲ្យតែមានពេលបុណ្យនិយាយពីប្រពន្ធចង់តែទៅរាំ ខ្ញុំថាមិនឲ្យទៅនិយាយង៉ូវៗរអ៊ូទទ្រាំ មិនដឹងគិតយ៉ាងម៉េចមានតែឲ្យទៅខ្លួនសុខចិត្តទ្រាំ ឲ្យឯងទៅមើលកូន រួចគេទៅរាំខ្ញុំឆ្លៀតដកមេ

ដឹងប៉ាដឹងប៉ាវ៉ៃ ហ៊ានប្រាប់ម៉ាក់ប៉ាដឹងប៉ាវ៉ៃ (បីដង)

អាអូនកូនប៉ាកុំម៉ាត់ កូនឯងកុំឃាត់ ប៉ាសុំដាក់ម្តង ទឹកត្នោតជូរលាយហ្នឹងតាឡនតន ប៉ាសុំដាក់ម្តងកុំប្រាប់ម៉ាក់ឯង កម្រហ្នឹងមានពេលណាស់មិនងាយជួបប្រទះមិត្តចាស់ប៉ាទេ ម៉ែឯងមិនដឹងអីទេ ទៅរាំហ្នឹងគេក្នុងភូមិបាត់ហើយ៕

ម៉ាក់ដឹងម៉ាក់វ៉ៃ

ច្រៀងដោយ ពេជ្រ សោភា
រស្មីហង្សមាស 525

ស្លៀកខ្លីអញ្ចឹងម៉ាក់ដឹងប្រយ័ត្នម៉ាក់វ៉ៃ (ពីរដង) រាំស្ទាលអញ្ចឹងម៉ាក់ដឹងប្រយ័ត្នម៉ាក់វ៉ៃ (ពីរដង)
១ នៅក្នុងភូមិខ្ញុំឲ្យតែមានពេលបុណ្យគឺសប្បាយខ្លាំងណាស់ ណាត់គ្នាជួបជុំថាទៅរាំនៅក្នុងយប់នេះ ឮសូរធុងបាស់មិនបង្អង់សោះរត់ចូលឡើងស្រុះ នែ៎សប្បាយខ្លាំងណាស់មើលចុះដីហុយឲ្យឡើងទ្រលោម
២ ពេលបុណ្យម្តងៗអ្នកក្រុងគឺចាញ់អ្នកស្រុកស្រែ ព្រោះអ្នកស្រុកស្រែមានគ្នាហូរហែររាំស្រែកបន្ទរ ទោះជាគ្មានភ្លើងព៌ណដល់អត់ភ្លើងសោះឃើញសម្រស់ពិត ភ្លើងព៌ណល្អពិតតែចង់ប្រាប់ថាភ្លើងស៊ីអារម្មណ៍

ស្លៀកខ្លីអញ្ចឹងម៉ាក់ដឹងប្រយ័ត្នម៉ាក់វ៉ៃ (ពីរដង) រាំស្ទាលអញ្ចឹងម៉ាក់ដឹងប្រយ័ត្នម៉ាក់វ៉ៃ (ពីរដង)
៣ ចង់ប្តូរអាម្មណ៍ទៅរាំស្រុកគេក៏ល្អម៉្យាងដែរ ព្រោះចង់ដឹងថាតើភ្លើងគេហ្នឹងសប្បាយដែរទេ ណាត់គ្នាជួបជុំជិះម៉ូតូតាមគ្នាហូរហែរ ទៅមុខលាបម្សៅត្រឡប់មកវិញមុខសុទ្ធតែដី
៤ រាំយូរៗទៅកម្លោះម្នាក់នោះគាត់សួរខ្ញុំថា អេអូនឈ្មោះអីនៅភូមិណាផ្ទះនៅកន្លែងណា ឭករាងអញ្ចឹងខ្ញុំដឹងច្បាស់ណាស់ចង់អូសក្រឡា តែចង់ប្រាប់ថាតែប្រើស្ទាលហ្នឹងម៉ាក់ដឹងម៉ាក់វ៉ៃ

ស្លៀកខ្លីអញ្ចឹងម៉ាក់ដឹងប្រយ័ត្នម៉ាក់វ៉ៃ (ពីរដង) រាំស្ទាលអញ្ចឹងម៉ាក់ដឹងប្រយ័ត្នម៉ាក់វ៉ៃ (ពីរដង) ៕

រាំឲ្យអស់ក្បាច់

ច្រៀងដោយ ព្រាប សុវត្ថិ

រស្មីហង្សមាស 525

១ ឆ្នាំថ្មីហើយពៅអើយឆាប់ចូលមករាំ កុំនៅបង្អង់ឆាប់ចូលរាំជាមួយហ្នឹងបង កុំខ្មាស់អៀនអីសង្សារបង ចូលមករាំហ្នឹងបងណាពៅ

២ តែងខ្លួនឡើងស្អាតហើយសង្វាតមករាំធុងបាស ទាំងក្មេងទាំងចាស់សប្បាយណាស់ណាស្រស់ស្រីពៅ បើមិនរាំប្រយ័ត្នស្តាយក្រោយទៅ ពេលវេលាមិននៅចាំយើងទេ

Rap: គ្រាន់តែឮភ្លេងថ្មីបងប្អូនប្រុសស្រីក៏ចូលមករាំ ទាំងលោកតាលោកយាយអុំប្រុសអុំស្រីក៏ចូលមករាំ ពេលវេលាយើងខ្លីនៅចាំទៀតធ្វើអ្វី ចូលឆ្នាំមានបីថ្ងៃកុំនៅចាំអ្វីរាំទាំងអស់គ្នា៕

លេងចរិតដូចមាន់

ច្រៀងដោយ ព្រាប សុវត្ថិ
រស្មីហង្សមាស 525

១ ធ្វើអញ្ចឹងធ្វើអីបើគង់តែស្រលាញ់បង លេងឮកធ្វើអីបើគង់តែស្រលាញ់បង ធ្វើចរិកដូចមាន់មុនក្រោយគង់តែព្រម តាមសុំស្នេហ៍ច្រើនដង បើគង់តែព្រមធ្វើអញ្ចឹងធ្វើអី (ពីរដង) បងៗៗមិនចេះបញ្ជោរ បងៗៗឃើញអូនស្អាតមែន បើអូនស្អាតយ៉ាតហ្នឹងអ្នកណាមិនស្រលាញ់ មុខ Cute គួរឲ្យខ្នាញ់បងតាមស្រលាញ់គឺស្រលាញ់មែនទែន បងតាមសម្លឹងស្រីតាមសម្លឹងយូរហើយ តែបងមិនយល់ឡើយតើអូនធ្វើអញ្ចឹងៗធ្វើអី លេងចរិកដូចមាន់ នាំខាតពេលទេថ្លៃ តោះកុំមាន់ពេកស្រីឡើងរាំបទថ្មីជាមួយហ្នឹងបង
បន្ទរ៖ ធ្វើអញ្ចឹងធ្វើអីៗ ៗ លេងចរិតដូចមាន់ ធ្វើអញ្ចឹងធ្វើអីៗ ៗ មុខក្រោយគង់តែព្រម ធ្វើអញ្ចឹងធ្វើអីៗ ៗ កុំខឹងប្រយ័ត្នលែងស្អាត
២ ធ្វើអញ្ចឹងធ្វើអីបើគង់តែស្រលាញ់បង លេងឮកធ្វើអីបើគង់តែស្រលាញ់បង ធ្វើចរិកដូចមាន់មុនក្រោយគង់តែព្រម តាមសុំស្នេហ៍ច្រើនដង បើគង់តែព្រមធ្វើអញ្ចឹងធ្វើអី (ពីរដង) អូនសំណាងបានបងសុំរាំ តែកុំលេងស្ទិលមាន់បងមិនចូលចិត្តទេ តិចថាស្តាយក្រោយពេលបងទៅរាំហ្នឹងគេ ប្រុសស្អាតអត់មានទេគឺមានតែបង៕

Thursday, March 19, 2015

Sexy ពេកហើយ

ច្រៀងដោយ វណ្ណា ស័ក្តិ
ផលិតកម្ម M 69

Sexy....... Sexy
១ បងមិនចេះរករឿងៗផ្តេះផ្តាស់ តែអូន Sexy ណាស់អូនអើយ ដើរទៅណាមកណាគេឈាមច្រមុះអស់ហើយ អាចបន្ថយបន្តិចបានទេ ខ្លីពេកហើយ ខ្លីហើយៗៗខើចទៀត អូនស្លៀកបែបនេះទៅណាអូនណា សង្សារគ្នានិយាយមិនស្តាប់គ្នាអូនស្លៀកពាក់ឲ្យអ្នកណាមើលអ្ហាអូន
បន្ទរ៖ ស្លៀកជិតៗទៅតើកើតអីហេ ចាំបាច់ស្លៀក Sexy ធ្វើអីយេ ស្លៀកជិតៗទៅតើកើតអីយេ ទៅជាមួយបង Sexy អី អូយេ៕

មិត្តស្រីតែមិនមែនសង្សារ

ច្រៀងដោយ ខេលី
ផលិតកម្ម M 69

១ ព្រោះគេធ្វើល្អៗទើបខ្ញុំយល់ខុស ខ្ញុំយល់ខុសថាគេស្រលាញ់ខ្ញុំដែរ ការពិតរឿងខ្លះមិនមែនបញ្ជាក់ថាស្នេហ៍ គេគ្រាន់តែធ្វើល្អដូចមិត្តស្និទ្ធស្នាល
២ ស្ទើរមួយជីវិតខ្ញុំមិនគិតរឿងស្នេហា ម្តេចពេលនេះចេះប្រច័ណ្ឌគេទៅវិញ ធ្វើមិត្តល្អហើយ តើចិត្តចង់បានអ្វីវិញ គិតមិនចេញៗតែទឹកភ្នែកជំនួស
បន្ទរ៖ ជាមិត្តស្រីតែមិនមែនជាសង្សារគេទេ បាននៅក្បែរដូចគេឯងដែរតែនៅខុសឋានៈ ត្រឹមជាមិត្តល្អពេលដែលគេមានរឿងមកពឹងពាក់ ជាមិត្តម្នាក់ចាំផ្តល់កម្លាំងចិត្តគ្រប់ពេល ជាមិត្តស្រីតែមិនអាចធ្វើសង្សារគេបាន ធ្វើម្តេចបានបើមិនក្លាហាននិយាយការពិត ចេះតែខ្លាចពេលប្រាប់ទៅគេលែងសប្បាយចិត្ត ស្រលាញ់ក្នុងចិត្តម្នាក់ឯងរហូតដូចពេលនេះ បែបនេះល្អហើយ៕

Tuesday, March 17, 2015

តើប៉ុន្មានថ្ងៃទើបអាចបំភ្លេចមនុស្សម្នាក់

ច្រៀងដោយ ព្រាប សុវត្ថិ

តើប៉ុន្មានថ្ងៃទើបអាចបំភ្លេចមនុស្សម្នាក់បាន

១ នៅសុខៗក៏កើតទុក្ខព្រោះតែរឿងស្នេហាឈឺផ្សា ស្រលាញ់អ្នកមានសង្សារទាំងដឹងគេស្រលាញ់គ្នាខ្លាំង ពិបាកទ្រាំណាស់បេះដូងស្ទើរតែស្ទះគាំង ទឹកមុខស្លេកស្លាំងតតាំងខ្លួនឯងមិនបាន តើប៉ុន្មានថ្ងៃទើបអាចបំភ្លេចមនុស្សម្នាក់បាន

២ ឃើញមុខគ្នារៀងរាល់ថ្ងៃធ្វើម្តេចទៅទើបអាចភ្លេចគេបាន ចង់រំងាប់ចិត្តឲ្យបានមានតែកុំឲ្យឃើញមុខគេ ពិបាកទ្រាំណាស់មិនបានឃើញគេមួយពេល ដល់ Call ទៅគេថានៅក្បែរសង្សារ តើប៉ុន្មានថ្ងៃទើបអាចបំភ្លេចមនុស្សម្នាក់បាន ប្រើពេលប៉ុន្មានទើបចិត្តឈប់ឈឺចាប់ព្រោះគេ តើយូរដែរទេមួយខែឬក៏មួយឆ្នាំ ឈឺហើយត្រូវចាំរៀង ឈឺយូរណាស់

៣ រឿងកម្មពារក្នុងលោកនេះប្រហែលជាមានពិតមែនមើលទៅ នៅមិននៅលួចស្នេហ៍គេក៏ឈឺចាប់ខ្លួនឯង គេមានគូរគេយើងបែរជាឆ្កួតម្នាក់ឯង កាន់តែច្រណែនកាន់តែឈឺចាប់ទ្វេដង តើប៉ុន្មានថ្ងៃទើបអាចបំភ្លេចមនុស្សម្នាក់បាន ប្រើពេលប៉ុន្មានទើបចិត្តឈប់ឈឺចាប់ព្រោះគេ តើយូរដែរទេមួយខែឬក៏មួយឆ្នាំ ឈឺហើយត្រូវចាំរៀង ឈឺយូរណាស់

បងពេលនេះមិនដូចបងពីមុន

ច្រៀងដោយ តេង លក្ខណា
ផលិតកម្ម M 69
១ ចាប់ផ្តើមក្បត់តាំងពីពេលណា ចែកស្នេហាឲ្យទៅម្នាក់នោះ ម្តេចមិនគិតស្រីម្នាក់ខំស្មោះ បំភ្លេចអស់ទុកអូនក្រៅចិត្ត
២ មិនទុកពេលឲ្យអូនត្រៀមខ្លួន ឆាប់ម្ល៉េះស្ងួនមកសុំអូនបែក ឈប់ទាក់ទងចប់គ្នាត្រឹមស្អែក អូនប្រកែកក៏បងលែងស្តាប់
បន្ទរ៖ បងបារម្ភខ្លាចគេមិនពេញចិត្តអូន សុំបែកអូនដើម្បីផ្គាប់អារម្មណ៏គេ សុំសួរបងតាមត្រង់ មានគិតចិត្តអូនទេ គ្មានមាសមេអូនរស់បែបណា បងពេលនេះមិនដូចជាបងពេលមុន ភាពទន់ភ្លន់លែងមានឲ្យអូនទៀតហើយ សម្តីតែមួយម៉ាត់ឲ្យអូនកាត់ចិត្ត បំភ្លេចបង
៣ បង្រៀនចិត្តឲ្យគិតស្អប់បង ប្រាប់បេះដូងឈប់នឹកបងទៀត ស្មោះប៉ុណ្ណាក៏នៅតែឃ្លាត បែកមួយជាតិអស់ពេលជួបហើយ៕

ស្រលាញ់អ្នកថ្មីដែលល្អជាងបង

ច្រៀងដោយ វណ្ណា ស័ក្កិ

ផលិតកម្ម M 69

១ នៅលើលោកនេះតើមានអ្នកណាដែលជួបស្នេហាដូចខ្ញុំ នាងស្រលាញ់ខ្ញុំតែត្រូវធ្វើខ្លួនជាមនុស្សអាត្មានិយម ព្រោះក្តីស្នេហាមួយនេះ មិនមែនជារឿងសក្តិសម មិនអាចបង្ខំហ៊ានទទួលយកអូនដាក់ក្នុងបេះដូង

២ គ្រប់ទង្វើអូនតែធ្វើឲ្យបងហ៊ានទទួលយករូបស្រី ព្រោះតែអ្វីៗអូនធ្វើដើម្បីតែក្តីស្រលាញ់ប៉ុណ្ណោះ បើលាក់អូនក្នុងបេះដូង បងនឹងរស់ស្ពាយកំហុស មិនអាចធ្វើខុសនឹងសង្សារចាស់ព្រោះនាងក៏ស្រលាញ់បង

បន្ទរ៖ ចាប់ផ្តើមស្រលាញ់អ្នកថ្មីដេែលគេល្អជាងបង ឈប់គិតអតិតកន្លងសុំទោសផងឲ្យអូនទឹកភ្នែក ស្នេហាមិនអាចបង្ខំ បេះដូងមិនអាចបែងចែក ទោះមានថ្ងៃស្អែកក៏ពួកយើងមិនអាចស្រលាញ់គ្នា អូនអាចនឹងមានសំណាងជួបគេល្អជាងបង អរគុណការលះបង់ស្ងួនបងមិនចង់ឲ្យអូនលំបាក បើពួកយើងស្រលាញ់គ្នា ត្រឹមជាសង្សារលួចលាក់ គឺអូនតែម្នាក់នឹងត្រូវលេបលាក់ទឺកភ្នែកខ្លួនឯង ដោយសារប្រុសម្នាក់នេះ៕

Wednesday, March 11, 2015

Message ទៅគេចាំបាច់ឲ្យបងដឹង

ច្រៀងដោយ ឆន សុវណ្ណរាជ
ផលិតកម្មរស្មីហង្សមាស ទី ៥១៨

១ ត្រឹមមិត្តស្និទស្នាលមិនមែនជាសង្សារ តែបងគិតថាអារម្មណ៍យើងដូចគ្នា អូនតែង Message មកបងគ្រប់វេលា ក្នុងចិត្តពុំងារស្រលាញ់បងទេ
២ ឮសម្លេងសារបងដឹងច្បាស់ថាគឺអូន បេះដូងអង្រួនញាប់ញ័រម្ល៉េះទេ តែដល់ពេលបើកអាន អូនសរសេរថានឹកគេ ហេតុអ្វីមាសមេរច្រលំបែបនេះ
បន្ទរ៖ ពេលឮសារឆ្ងល់ថាអូនផ្ញើមកបងឥតឈប់ ដល់ពេលអានចប់ទើបដឹងពីបំណងឆវី អូនចង់ប្រាប់បងថាអូននឹកគេគ្រប់នាទី ធ្វើបែបនេះអូនមានអាណិតបងទេ ចង់សួរមួយជួយឆ្លើយគ្រាន់តែ Message ទៅគេ ហេតុអ្វីមាសមេចាំបាច់ប្រាប់ឲ្យមិត្តម្នាក់នេះដឹង មើលមិនដឹងសោះមែនដែរទេពីអារម្មណ៍ម្នាក់ហ្នឹង ចង់ប្រាប់ថាខឹងហេតុអ្វីមិនយល់៕

ឈឺចាប់ព្រោះស្នេហ៍

ច្រៀងដោយ សន ផល្លីកា
ផលិតកម្មរស្មីហង្សមាស ទី ៥១៨

១ ជាមនុស្សស្រីបើស្រលាញ់ហើយ គឺស្រលាញ់មួយជីវិត រឿងបេះដូងសង្ឃឹមស្នេហ៏ពិត ជឿទុកចិត្តលើមនុស្សប្រុស ជាមនុស្សស្រីចង់បានថ្នាក់ថ្នម ចង់បានក្តីសុខប៉ុណ្ណោះ តែពេលនេះបែរជារងទុក្ខា
២ ខា្លចបាត់បងខ្លាចខ្លាំងណាស់ ខ្លាចបងចោលស្រី ឈឺចិត្តរាល់ថ្ងៃព្រោះស្នេហា ស្រលាញ់បងជាងខ្លួនឯង មិនដែលគិតថា ជីវិតស្នេហាប្រេះឆារបៀបនេះ
បន្ទរ៖ ទឹកភ្នែកអូនហូររាល់ថ្ងៃបងមានដឹងទេ? ឬឃើញតែស្នាមញញឹមក្លែងក្លាយ តើបងពីមុនបាត់ទៅណា? បាត់មនុស្សក្បែរកាយ ជីវិតរីករាយប្រែក្លាយទៅជាឈឺយ៉ាងនេះ ឈឺចាប់ព្រោះស្នេហ៍៕

Thank for Your Love

ច្រៀងដោយ សន ផល្លីកា
ផលិតកម្មរស្មីហង្សមាស ទី ៥១៨

Thank you for post for your like for your click ចេះយកចិត្តបែបនេះអ្នកណាមិនស្រលាញ់ Thank you for your love for your for your kind មិនស្មានថាបានធ្វើសង្សារនឹងគេទេ

ខ្នាញ់ម្នាក់ហ្នឹងខ្លាំងណាស់ ចូលចិត្តម្នាក់ហ្នឹងណាស់ ក្រលេកទៅប៉ះបេះដូងខ្ញុំក៏លោតញ៉ាប់ គេព្យាយាមខិតជិត ដឹងថាខ្ញុំចូលចិត្ត រិតតែខិតជិតៗចូលដល់បេះដូង មានអារម្មណ៍ដូចព្រះនាង មានស្លាបចេះហោះៗៗ ជួបទេវបុត្រម្នាក់ល្អហួស សូមស្រលាញ់ខ្ញុំអុះៗៗៗ

Thank you for post for your like for your click ចេះយកចិត្តបែបនេះអ្នកណាមិនស្រលាញ់ Thank you for your love for your for your kind មិនស្មានថាបានធ្វើសង្សារនឹងគេទេ៕

គេស្រលាញ់អូនមិនស្មោះទេ

ច្រៀងដោយ ឆន សុវណ្ណរាជ និងសន ផល្លីកា
ផលិតកម្មរស្មីហង្សមាស ទី៥១៨

១ (ប) ស្រលាញ់ទើបព្រមបែក មិនប្រកែកពេលអូនសម្រេចជ្រើសគេ ទោះមិនអាចរស់ក្បែរបងនៅតែបារម្ភពីអូនគ្រប់ពេល
២ (ប) ពេលនេះម្តេចអូនយំ ធ្វើឲ្យអារម្មណ៍បងខ្វាយខ្វល់ម្ល៉េះទេ (ស) គឺអូនយំព្រោះគេ គេស្រលាញ់អូនមិនស្មោះទេបងអើយ
បន្ទរ៖ (ប) ព្រោះភាពឯកាទើបធ្វើឲ្យអូនជ្រើសរើសមនុស្សខុស (ស) អូនសុំទោសអូនជ្រើសយកគេចាកចោលត្រាណត្រើយ (ប) វេលាមិនទាន់ហួសទេ បងនៅស្នេហ៍នៅឡើយ អូនអើយអាចឲ្យបងថែអូនទេ ទោះជ្រើសមនុស្សខុសកុំឃាំងខ្លួនឯងឲ្យរស់នៅឯកា (ស) អូនគិតថាអូនមិនស័ក្តិសមនឹងរូបបងទេ (ប) សមឬមិនសមមិនដឹង ដឹងត្រឹមបងនៅស្នេហ៍ ចង់ក្បែរចង់ថែព្យាបាលរបួស នៅក្នុងចិត្តអូន៕

ពេលគេថើបអូន មាននឹកបងខ្លះទេ?

ច្រៀងដោយ ឆន សុវណ្ណរាជ

១ ដឹងថាស្នេហ៍មិនដូចដើមនៅតែផ្តើមនឹកអូន ធ្វើខ្លួនឯងឲ្យឈឺចាប់ពេលមិនព្រមភ្លេចស្រី អនុស្សាស្នាមស្នេហ៍ចាស់ នៅដាបបងរាល់ថ្ងៃ ឲ្យនឹកថ្លៃឲ្យឈឺឲ្យយំព្រោះស្នេហា
២ ខ្លួនឯងកំដរខ្លួនឯងក្រោយពេលអូនដើរចេញ តែនៅសល់ក្តីស្រលាញ់ជាប់ក្នុងចិត្តរៀមរ៉ា ទោះអូនបែកចិត្តក៏ដោយក៏បងស្មោះសង្សារ ចាំជីវ៉ាទាំងស្រីបានជ្រើសយកគេទៅហើយ
បន្ទរ៖ ពេលគេថើបអូនតើក្នុងចិត្តស្ងួនមាននឹកបងខ្លះទេ ព្រោះប្រុសម្នាក់នេះអូនក៏ធ្លាប់ស្នេហ៍ក៏ធ្លាប់ថែត្រាណត្រើយ ឬគេនោះល្អខ្លាំងពេក ទើបធ្វើឲ្យអូនមិនអាចនឹកបងឡើយនៅពេលអូនមានគេក្បែរ យ៉ាងណាក៏ដោយក៏បងរីករាយបើអូនបានក្តីសុខ មិនថាថ្ងៃមុខគឺបងនៅស្មោះតែរូបអូនម្នាក់ទេ ក្រែងថ្ងៃណាគេក្បត់ស្រី ថ្លៃត្រូវទឹកភ្នែកព្រោះគេ មាសមេអាចវិលរកបងណាអូន
(ពីប្រុសម្នាក់ដែលចាញ់ស្នេហ៍ នៅតែនឹកនៅតែចាំ នៅតែស្មោះនៅតែស្រលាញ់អូន)៕

ហេតុផលមិនចេះចប់

ច្រៀងដោយ ឆន សុវណ្ណរាជ និង សន ផល្លីកា
ផលិតកម្មរស្មីហង្សមាស ទី ៥១៨

១ (ប) ស្តាប់ហេតុផលបន្តិចផងបានទេ មុនមាសមេប្រាប់បងថាបែកគ្នា គ្រាន់តែសុំបងមិនមែនទាមទារ បែកគ្នាត្រូវមានហេតុផល
២ (ស) ស្តាប់ហេតុផលរិតតែចិត្តឈឺផ្សា ស្តាប់ម្តងណាមិនចេះអស់ហេតុផល ប៉ុន្មានដងហើយអូនតែងតែយោគយល់ ពេលនេះទ្រាំលែងបានហើយ
បន្ទរ៖ ហេតុផលមិនចេះចប់ ហេតុផលគួរឲ្យស្អប់ រាប់ពីមួយដល់ដប់ ឈប់ឈឺចាប់ទៀតហើយ អស់ពេលស្តាប់ហេតុផល អ្វីក៏មិនយល់ឡើយ ទោះជួលទៀតក៏ដោយ ក៏អូនមិនចង់ស្តាប់ (ប) សុំពេលមួយនាទី ព្រោះចិត្តនេះមិនស្កប់ អូនរាប់មួយដល់ដប់ អូនថាឈប់ឈឺចាប់ សុំតែមួយនាទី ម្តេចក៏មិនចង់ស្តាប់ បងស្ពាយការឈឺចាប់ព្រោះអស់ពេលបកស្រាយ៕

Tuesday, March 10, 2015

ទូរស័ព្ទបងអស់លុយ ឬអូនអស់តម្លៃ

ច្រៀងដោយ សួស វីហ្សា

១ មានអារម្មណ៍ថាបងឥឡូវប្លែកៗខុសពីមុន ពីមុនស្ងួនតែងខ្វល់ពីស្រី ពេលនេះបងស្ងាត់ឈឹងមិនដឹងថាព្រោះហេតុអ្វី ទើបថ្លៃមិនCallមករកអូន
២ អូនតេទៅច្រើនចងហាក់ដូចបងមិនចង់លើកទេ ឬមាសមេមានគេហើយស្ងួន បើបងមានថ្មីមែនគួរប្រាប់ស្រីឲ្យដឹងមុន គ្រាន់អូនបានត្រៀមចិត្តចាកចេញ
បន្ទរ៖ ពាក្យស្នេហ៏ដ៏ផ្អែមថែមទន់ភ្លន់ តូចតន់តែងប្រើថ្នមលោមស្រី មានន័យគួរឲ្យខ្នាញ់ បែរពេលនេះភាសាស្នេហ៍ បានប្រែជាឈឺទោរម្នេញ ពាក្យយល់ចិត្តពាក្យស្រលាញ់ ស្រាប់តែស្ងាត់បាត់ទៅណាអស់ហើយ តើក្នុងទូរស័ព្ទបងអស់លុយឬអូនអស់តម្លៃ សូមប្រាប់មកថ្លៃស្រីមិនខឹងនឹងបងឡើយ បើក្នុងចិត្តបងលែងមានអូន ស្ងួនឈប់ស្នេហ៍ស្រីហើយ មិនអីត្រាណត្រើយ យើងអាចចែកផ្លូវគ្នា បើឈប់ស្រលាញ់ប្រាប់អូនទៅ កុំឲ្យអូននៅចាំ ស្រីពិបាកទ្រាំពេលបងប្រែប្លែកពុំងារ ព្រោះស្នេហ៍អូនដូចប្រឈមមុខ ទៅនឹងក្តីទុក្ខគ្រាំគ្រា កុំចង់បែកគ្នាតាមទង្វើនេះអី៕

ស្រលាញ់តិចៗក៏ឈឺចាប់ខ្លាំងដូចគ្នា

ច្រៀងដោយ យក់ ឋិតរដ្ឋា

១ ប្រាប់ចិត្តឲ្យរឹងប៉ឹង កុំយំនឹងរឿងស្នេហ៍ បើស្រលាញ់គេកុំស្រលាញ់គេជាងស្រលាញ់ខ្លួនឯង រឿងក្នុងលោកនេះមិនឋិតឋេរ ខ្លាចដល់ពេលគេបែកចិត្តស្នេហ៍អ្នកផ្សេង ត្រូវត្រៀមចិត្តឲ្យហើយ
បន្ទរ៖ ស្រលាញ់តិចៗ ព្រោះតែខ្លាចឈឺចាប់ខ្លាំង ទប់អារម្មណ៍កុំនឹកខ្លាំង បើបែកគ្នាមិនសូវអី ទុកពេលឲ្យគ្នា ធ្វើខ្លួនឯងជាមនុស្សដឹងក្តី បើសិនជាគេចង់មានថ្មី ក៏បែកគ្នាតាមសម្រួល៕

ទោះបងចិត្តអាក្រក់ក៏អូនស្រលាញ់

ច្រៀងដោយ សួស វីហ្សា
១ ក្នុងជាតិនេះអូនស្មោះតែបង ទោះនួនល្អងក្បត់អូនក៏ដោយ ព្រោះបេះដូងស្រីបានសន្យាហើយ គ្មានប្រុសណាឡើយអាចជំនួសថ្លៃ
២ ទឹកភ្នែកហូរមិនឈ្នះចិត្តស្មោះ បងយកគេចុះកុំបារម្ភអី អូនបានជួបបងត្រឹមនិស្ស័យ តែវាសនាស្រីមិនមានដូចគេ
បន្ទរ៖ បងត្រូវចាំទុកថា មានស្រីម្នាក់នេះនៅចាំមាសមេរ អូនស្រលាញ់បងតែម្នាក់ទេ ថែស្នេហ៍ក្រែងបងវិលវិញ
៣ កើតជាស្រីដែលមានចិត្តស្មោះ បងចិត្តអាក្រក់ក៏អូនស្រលាញ់ ញញឹមចាំបងទឹកភ្នែកជ្រាបចេញ នៅតែស្រលាញ់ស្អប់បងមិនបាន៕

អស់ចិត្ត អស់ថ្ម

ច្រៀងដោយ ឱក សុគន្ធកញ្ញា

១ ក្លាយជាមនុស្សម្នាក់លែងជឿជាក់លើស្នេហ៍ មនុស្សធ្លាប់ក្បែរប្រួលប្រែខុសពីមុខ ធ្លាប់តែជួបប្រែស្ងាត់បាត់អស់ភាពទន់ភ្លន់ ចង់ជួបស្ងួនគ្មានហេតុផលជួបមិនបាន
២ ទូរស័ព្ទបងអស់ថ្ម Callមិនចូលច្រើនថ្ងៃ ឬក៏ថ្លៃបងរវល់នឹកអ្នកផ្សេង ស្នេហ៍ដើរដល់ផ្លូវនេះ បត់ស្តាំឬបត់ឆ្វេង ផ្លូវវង្វេងទៅមុខក៏ទៅមិនដល់
បន្ទរ៖ បើទូរស័ព្ទអស់ថ្មក៏អាចសាកថ្មពេញ អស់ចិត្តវិញ គ្មានអ្វីស្រោចស្រង់វិញបាន តើអស់ចិត្តឬអស់ថ្ម ចង់បន្តឬបញ្ចប់ គួរបញ្ចប់ ទាន់អូនមិនសូូវស្អប់បង តើអស់ថ្មឬអស់ចិត្ត ប្រាប់ការពិតដល់អូនផង មិនស្មោះត្រង់បងបន្តដើម្បីអ្វី៕

Friday, February 27, 2015

ខឹងឬស្អប់អូនអាចជេរបងបាន

ច្រៀងដោយ ខេមរៈ សេរីមន្ត

អាល់ប៊ុម សាន់ដេ 188

១ បងដូចគ្រាប់ខ្សាច់រសាត់នៅក្នុងខ្យល់ ខ្យល់គួចប៉ើងវិលវល់បក់ផាត់ឆ្ងាយត្រាណត្រើយ ចាប់ពីស្អែកនេះទៅបងត្រូវឃ្លាតអូនហើយ សល់ពាក្យផ្តាំចុងក្រោយឲ្យអូនថែខ្លួន

២ ពេលអត់ពីបងសូមអូនឆាប់មានថ្មី កុំយំនឹកបងអី គ្មានប្រយោជន៍ទេស្ងួន តែបើបងមនុស្សល្អចាំយំដោយសារបង បងមិនមែនជាបងដូចពីមុនទេ

បន្ទរ៖ បងខុសៗៗៗៗដែលហ៊ានចាកចេញពីជីវិតអូន បងដឹងៗៗៗតែអស់តម្លៃអាចកែ បងធ្វើៗទាំងបង្ខំមិនមែនបេះដូងអ្នកបញ្ជាទេ តែបើខឹងឬស្អប់អូនអាចជេបងបាន៕

Monday, February 23, 2015

ក្តៅចិត្ត

ច្រៀងដោយ កង ពិសិដ្ឋ
អាល់ប៊ុម កុលាបខ្មៅ

១ មួរម៉ៅឆោមឆ្លៅមិនយល់ចិត្ត ក្តៅចិត្តគិតអ្វីក៏មិនយល់ឡើយ ត្រាណត្រើយចម្លើយមិនសមហេតុ ចែកផ្លូវពីបងមិនទំនងសោះ
២ អស់ផ្លូវត្រូវដើរដំណើរមិនសម លិចលង់ភក់ជ្រាំ ដេកចាំស្នេហា ជីវ៉ាផ្លាស់ចិត្តមិនគិតបង នួនល្អងចងរិតឲ្យបងស្លាប់ហើយ
បន្ទរ៖ ប្រាប់ត្រង់ក៏បាន កល្យាណមិនចាំបាច់ហត់នឹងភរ គ្មានពេលកំដរ ឲ្យអូនភូតភរបងទៀតឡើយ

មួរម៉ៅៗក្តៅចិត្ត (បីដង) វរមិត្រក្បត់បង ហេតុអ្វីៗនួនល្អង(បីដង) ឲ្យបងស្នេហ៍គេ៕

ស្មោះម្តងដាច់ខ្យល់

ច្រៀងដោយ កង ពិសិដ្ឋ
អាល់ប៊ុម កុលាបខ្មៅ

១ ថាគិតទៅមួរម៉ៅសែនក្តៅចិត្ត ត្រូវចាញ់ល្បិចស្រីស្អាត គិតថាចង់ជ្រើសអូនធ្វើជាគូរ ស៊ូស្ម័គ្រស្មោះលុះក្ស័យ មិនទាន់ទាំងបានប៉ុន្មានថ្ងៃដឹងអី ស្រីប្តូរចិត្តផ្លាស់ស្នេហ៍ ពូកែកុហក់ពូកែនិយាយឲ្យបងជឿ ឲ្យបងទន់តាមស្រី ចរណៃអើយបងសុំចិត្តពិសី តើបានទេ?
បន្ទរ៖ ស្មោះបងម្តងបានទេ ឬមួយក៏មាសមេចូលចិត្តបែបនេះ ស្មោះបងម្តងបានទេ ឬមួយក៏មាសមេស្មោះម្តងដាច់ខ្យល់៕

កុលាបខ្មៅ

ច្រៀងដោយ កង ពិសិដ្ឋ
អាល់ប៊ុម កុលាបខ្មៅ

១ តែងខ្លួនសមសួនជួននឹងពេលវេលាថ្ងៃកំណត់ បងមិនហត់គយគន់ស្ងួនពំុងារមិននឿយណាយ យេ ចាយសម្រស់អស់ស្រីគ្មានអ្វីមកប្រៀបផ្ទឹមបានឡើយ ហើយក្លិនខ្លួនកុលាបសព្វសាយអស់ក្លិនភាពកខ្វក់ យេ មើលពីក្រៅ ហៅមិនដល់ មិនឃើញកល់ល្បិច
បន្ទរ៖ កុលាបព៌ណក្រហម ដាច់បាក់ពីទងហើយ ចុងក្រោយនៅឡើយសល់ត្រឹមស្រទាប់ អ្នកសាងបានសុខហើយ អ្នកក្រោយទុក្ខគឺបង នៅលើដៃបងកុលាបព៌ណខ្មៅ៕

Miss You Baby

ច្រៀងដោយ កង ពិសិដ្ឋ
អាល់ប៊ុម កុលាបខ្មៅ

១ រាត្រីដ៏សែនត្រជាក់ ខ្យល់ធ្លាក់បោកប៉ះកាយា ទឹកនេត្រាស្រក់ចុះមក រាត្រីភ្លៀងធ្លាក់រលឹម រាត្រីដែលអស់សង្ឃឹម ក្នុងជីវិតពិតគ្មានន័យ អាហ៊ូ... Miss You Baby ទោះអូនឆ្លើយប្រាប់បែកគ្នាហើយ អាហ៊ូ Need You Baby ទោះអូនមានគេហើយ
២ រាត្រីដ៏ស្ងាត់ជ្រងំ បងអង្គុយយំម្នាក់ឯង សែនចម្បែង បាត់មាសមេរ រាត្រីគ្មានអូនបំពេរ រាត្រីបងឮគេសើច ផ្ញើតាមខ្យល់ ថាបងល្ងង់ អាហ៊ូ... Miss You Baby ទោះអូនឆ្លើយប្រាប់បែកគ្នាហើយ អាហ៊ូ Need You Baby ទោះអូនមានគេហើយ

(ច្រៀងលេខ ២)

ហ៊ូ Miss You Baby ទោះអូនប្រែចិត្តគ្មានអាល័យ អូហ៊ូ Need You Baby ទោះអូនមានគេហើយ៕

Thursday, February 12, 2015

សក់វែងអន្លាយ

ច្រៀងដោយ ស៊ិន ស៊ីសាមុត

១ សក់អើយសក់វែងអន្លាយ ក្រអូបសាយដោយក្លិនចំប៉ា អូនចងជាប់នឹងកេសា ឱ!ចំប៉ាវាសនាឧត្តម

២ ផ្កាអើយផ្កាមានវាសនា ត្រូវជីវ៉ារើសយកទៅថ្នម ថែថើបបន្លែងមុនខ្ញុំ ឱ!ទ្រូងកម្ម គ្រាំចិត្តចំបែង

R សក់អើយៗ សក់វែងគ្របខ្នង អូនចងលំអ ផ្កាដោយដៃឯង ដៃអើយដៃស្រី ប្រសព្វតុបតែង សក់វែងបងចំបែងចង់បាន

៣ បើបានអូនមកដៃបង រៀមនឹងក្រង សក់ស្រីកល្យាណ អោយរឹតតែស្រស់ភូមិដ្ឋាន ជាងព្រះច័ន្ទ ដែលរះពេញវង់៕

—

ស្នេហ៍វ័យកុមារ

ច្រៀងដោយ ស៊ិន ស៊ីសាមុត

១ ស្រមៃកាលវ័យនៅកុមារ អូននិងប្រុសជីវ៉ា កាន់ដៃគ្នារត់ត្រសង ក្រោមភ្លៀង ផ្គរគ្រហឹមឆ្លើយឆ្លង អូនកើបដីអោយបង លុញគរពូនផ្ទះអោយមុំ

២ ឆ្នាំថ្មី ស្រីប្រែវ័យជំទង់ ម៉ែហាមឃាត់នួនល្អង អោយអូនខានលេងជួបជុំ បីឆ្នាំចៃដន្យវាសនាខ្ញុំ ជួបបងស្រីវ័យក្រមុំ ខ្ញុំអររកប្រៀបមិនបាន

—

R កែវភ្នែកអើយ រកកល់ស្រវាំង ញាប់ញ័រភាន់ភាំង ដូចចាញ់ សម្ផស្សកល្យាណ នេត្រាមើលចំ រន្ធត់អោយភ្លឹកវិញ្ញាណ ចង់ស្តីតែស្រីមិនហ៊ាន ប្រាណអើយ ម្តេចខុសពីមុន

៣ កនិ្នដ្ឋា ចោលភក្ត្រា័អឹមអៀន អូនដើរគេចហួសប្រាណ ទុកអោយបងតាមគយគន់ ក្នុងចិត្ត ស្តាយសែនស្តាយពេកពន់ ធ្វើម្តេចបានស្និទ្ធនឹងបង ប្រលោមដូចវ័យកុមារ៕

—

ស្រស់អើយស្រស់ម៉្លេះ

ច្រៀងដោយ ស៊ិន ស៊ីសាមុត

ចង្វាក់ រាំក្បាច់

១. ស្រស់អើយស្រស់ម៉្លេះទេ អោយរៀមបងស្នេហា កុលាបស្រស់អស្ចារ្យ ម្តេចផ្កាដុះក្នុងព្រៃ បងឃើញអូនងូតទឹក ស្ទើរតែភ្លឹកស្មារតី លួចស្រឡាញ់ស្រស់ស្រី ក្នុងន័យស្រឡាញ់ស្មោះ
លួចស្រឡាញ់ស្រស់ស្រី ក្នុងន័យស្រឡាញ់ស្មោះ

២. កែវអង្គុយម្នាក់ឯង ប្រលែងនឹងទឹកជ្រោះ រៀមបងចង់ស្គាល់ឈ្មោះ តើពីរោះយ៉ាងណា ឱ!កុលាបមួយទង រៀមបងចងស្នេហា សូមកុលាបមេត្តា ចិន្តារៀមបងផង សូមកុលាបមេត្តាចិន្តារៀមបងផង៕

—

Sunday, February 8, 2015

មេត្តាអូនផង

ច្រៀងដោយ រស់ សេរីសុទ្ធា

១ មេត្តាមេត្តាមេត្តាអូនផងអូនផង តាំងពីជួបបង អូនប៉ងស្នេហាស្នេហា មិនដឹងចិត្តបង រែងគិតយ៉ាងណា ឱប្រុសស្នេហា មេត្តាអូនដែរឬទេ?

២ មេត្តាមេត្តាមេត្តា អូនផងអូនផង ចិត្តអូនបំណង ចង់ជួបបងមួយបងមួយ សូមបងមេត្តា កុំអោយអូនព្រួយ មានតែបងមួយ ដែលអូនបំភ្លេចមិនបាន

R បងអឺយៗបង រឿងដែលកន្លង បងចាំបានទេ រាត្រីដែលអូន ជួបប្រុសស្នេហ៍ ច្រៀងថ្នមបំពេរ អោយអូនរំភើបចិន្តា

៣ មេត្តាមេត្តា មេត្តាអូនផងអូនផង រាល់ថ្ងៃអូនផ្សងជាគូលុះក្ស័យលុះក្ស័យ ឬមានគូហើយបានមិនស្រដី ទោះបីយ៉ាងណា សុំតែមេត្តាអូនផង (ទោះបីយ៉ាងណា សុំតែមេត្តាអូនផង )៕

អង្គុញកើយបី

ច្រៀងដោយ ស៊ិន ស៊ីសាមុត រស់ សេរីសុទ្ធា និងប៉ែនរ៉ន
ទំនុកច្រៀង ញ៉ែម ផុន

១ (ប) អង្គុញបោះទៅត្រូវកើយស្រីដាំ មើលមុខចំណាំចិត្តចាំជោះស្រី (ពីដង) អង្គុញស្រីស្ងួនអូនដាំកើយបី បើបងឈ្នះស្រីបងចាប់ជោះហើយ

២ (ស) បោះត្រូវជើងរៀងមៀងមើលឲ្យច្បាស់ ដល់វេនអូនឈ្នះប្រុសកុំកន្តើយ (ពីរដង) ត្រូវមេដំបូលគេចមិនរួចឡើយ ចាប់បានដៃហើយជោះឲ្យអស់ចិត្ត

៣ (ប) ជោះត្រឹមជង្គង់បងឲ្យជោះបាន ជោះប្រាប់សណ្តានគូរពីព្រេងព្រឹទ្ធ (ពីរដង) បើអូនបានជោះដូចបានស្គាល់ចិត្ត ចាំមួយជីវិតចិត្តចាំជួបគ្នា

៤ (ស) បើបងជោះអូនកុំជោះខ្លាំងពេក ថ្នមទុកថ្ងៃស្អែកណាស្រស់ពុំងារ (ពីរដង) ក្រោយចូលឆ្នាំថ្មីរៀបការនឹងគ្នា ប្រាប់ដល់មីងមារចូលដណ្តឹងអូន៕

Friday, February 6, 2015

ពេលដែលត្រូវយំ

ច្រៀងដោយ ស៊ិន ស៊ីសាមុត

១ ចម្រៀងដែលលាក់ទុកមកជាយូរ ពេលនេះស្រែកថ្ងូរទ្រហោរទួញយំ ទឹកភ្នែកមួយតក់ស្រក់ថ្លែងប្រាប់ខ្ញុំ ថាខ្ញុំជាតិនេះមានកម្មស្នេហា

២ មិនគួរផ្លាស់ចិត្តផ្លាស់ឥតប្រណី មិនគួរចិត្តស្រីខ្វះក្តីមេត្តា ចិត្តលោភចិត្តហ៊ានលួចមានសង្សារ នេះឬដែលថាចិត្តស្មោះភក្តី

បន្ទរ៖ នឹកឡើងហួសចិត្ត ហួសគិតមិនដល់ ថាចិត្តនិមលស្រាលជាងសំឡី វេជ្ជរ៉ាហោះហើរ ដូចសត្វបក្សី បានថ្មីចោលចាស់ផ្លាស់តាមតែចិត្តហ៊ឺ

៣ ពេលនេះជាពេលដែលខ្ញុំត្រូវយំ ពេលកើតទុក្ខធំក្នុងរឿងជីវិត គ្មានសង្ឃឹមទេថាបានស្នេហ៍ស្និទ ណ្ហើយទ្រាំគ្រាំចិត្តតាមកម្មវាសនា៕

Minions - Official Trailer 2 (HD) - Illumination

Thursday, February 5, 2015

បងឯងជាព្រាននារី

ច្រៀងដោយ ស៊ិន ស៊ីសាមុត រស់ សេរីសុទ្ធា សូ សាវឿន និងប៉ែន រ៉ន

១ (សុទ្ធា) ឆ្លើយភ្លាមទៅៗកុំនៅស្ងៀម (រ៉ន) ម្តេចអឹមអៀនមិនស្រដីអោយដឹងការ (សាវឿន) ស្រលាញ់មួយណាៗៗៗ (សុទ្ធា) ស្រលាញ់មួយណា ? (រ៉ន) ស្រលាញ់មួយណា ? (សាវឿន) ស្រលាញ់មួយណា ? (រួមគ្នា) សូមវាចាភ្លាមៗទៅ (២ដង) ...

(២) . (សុទ្ធា) បងប្រាប់ថាបងស្នេហាអូនមុនគេ (រ៉ន) មិនមែនទេខ្ញុំជាស្នេហ៍ទីមួយណា (សាវឿន) ចំណែកអូនវិញក៏ជាទីមួយដែរណាជីវ៉ា (សុទ្ធា) ទីមួយគឺជាអ្នកណា ? (រ៉ន) ទីមួយគឺជាអ្នកណា ?

(សាវឿន) ទីមួយគឺជាអ្នកណា ? (រួមគ្នា) សូមរៀមរ៉ាឆ្លើយភ្លាមទៅ (២ដង) ...

(៣) . (សាមុត) បងសុំទោសៗណាពិសី អូនទាំងបីសូមប្រណីកុំខឹងណា ការពិតស្រលាញ់ៗៗស្មើគ្នា (សុទ្ធា) មិនព្រមឡើយណា (រ៉ន) មិនព្រមឡើយណា (សាវឿន) មិនព្រមឡើយណា ! (ស្រីរួម) តើអ្នកណាប្រពន្ធដើម ? (២ដង) ..

(៤) . (សាមុត) គ្មានទេដើមគ្មានទេចុងទាំងអស់គ្នា (ស្រីរួម) ក្តៅអស្ចារ្យប្រុសឬស្យាព្រាននារី
(សាមុត) ជេរបងមកចុះៗស្រស់ឆោមឆវី (សុទ្ធា) បងឯងជាព្រាននារី ! (រ៉ន) បងឯងជាព្រាននារី

(សាវឿន) បងឯងជាព្រាននារី (ស្រីរួម) ចង់តែស៊ីសាច់ទេ (២ដង) ៕

លាកុលាបបាត់ដំបង

ច្រៀងដោយ ស៊ិន ស៊ីសាមុត និងរស់ សេរីសុទ្ធា

១ (ប) ភ្លៀងធ្លាក់ស្រិបៗបងខ្សិបប្រាប់ស្រីថ្ងៃស្អែកថ្ងៃថ្មីបងលាស្រីហើយ លាមួយគ្រាសិនមាសឆ្អិនបងអើយ លាពូកខ្នល់ខ្នើយធ្លាប់កើយពីរនាក់

២ (ស) សូមបងកុំភ្លេចកុលាបកំសត់ ក្នុងភូមិទុរគត៌ដែលធ្លាប់ថ្នមថ្នាក់ កុំភ្លេចលំនៅដែលធ្លាប់រួមរក្ស បេះដូងអមតះយើងឆ្លាក់ទុកស្នាម

៣ (ប) បងមិនភ្លេចទេកូនខ្ទមស្នេហា មាត់បឹងសត្យាសច្ចារយឆ្នាំ (ស) ស្ពានដែកស្ពានថ្មតោឈរយំផ្តាំ បងឃ្លាតអូនចាំ ចាំជួបជានិច្ច

៤ (ប) ឱ ! ថ្ពាល់ក្រហមបងសូមលាសិន (ស) សូមបងសុបិនឃើញអូនជានិច្ច បើបងភ្លេចអូនដូចក្បូនលង់លិច (ប) កុលាបទងពេជ្របងភ្លេចម្តេចបាន

ពោល ៖ (ស) កុំភ្លេចអូនណា៎បង ! (ប) បងមិនភ្លេចទេ តែណ្ហើយ! បងលាមួយគ្រាសិនហើយ ណ៎ាកុលាបបាត់ដំបង៕

Wednesday, February 4, 2015

បងស្រលាញ់តែស្រីកាច

ច្រៀងដោយ ស៊ិន ស៊ីសាមុត

១ អូនអ្ហើយអូនកុំស្អប់បង ប្រយ័ត្នពៀរឆ្លងបានបងធ្វើប្តី ស្រីគគោកគេចោមបេតី តែបងមិនខ្ចីៗស្រលាញ់ទេ ស្រីគគោកគេចោមបេតី តែបងមិនខ្ចីៗស្រលាញ់ទេ

២ បងពេញចិត្តតែស្រីរបៀបហ្នឹង ស្រីណាចេះខឹងទើបចិត្តបងចេះស្នេហ៍ បើអូនកាចក៏បងមិនខ្លាចដែរ ព្រោះបងប៉ងស្នេហ៍តែស្រីណាចេះកាចដូចអូន បើអូនកាចក៏បងមិនខ្លាចដែរ ព្រោះបងប៉ងស្នេហ៍តែស្រីណាចេះកាចដូចអូន

៣ កុំស្អប់បងប្រយ័ត្នជំពប់លើ ស្រីតូចជំទើរកុំអាលធ្វើមុខស្រពោន បើបានបងធ្វើប្តីណាស្ងួន នោះប្រហែលជាអូននាងមានសំណាងធំ បើបានបងធ្វើប្តីណាស្ងួន នោះប្រហែលជាអូននាងមានសំណាងធំ

យំបីរាត្រី

ច្រៀងដោយ ស៊ិន ស៊ីសាមុត

ពោលៈ អូនស្រក់ទឹកភ្នែក ហេតុម្តេចបានជាស្រីយំ អូនយំរឿងអ្វី?
(ភ្លេង)

១ ខ្នើយមុងចង្កៀងភ្លៀងផ្គរ អង្វរលន់តួសួរបង ថាម្តេចក៏អូននាងគេងបែរខ្នង ព្រួយផងយំផងខឹងនឹងបងឬអូន

២ អូនយំរឿងអ្វីរឿងអ្វី យំបីរាត្រីយំមិនបាត់ឡើយ បែរខ្នងដាក់បង មិនព្រមឆ្លងឆ្លើយ ឬមានគូហើយ ហើយមករៀបការនិងបង

R មិនថ្វីទេអូន អូនអ្ហើយកុំយំ បងមិនបង្ខំចិត្តអូនឡើយ បងស៊ូលះបង់ រូបអូន វិញហើយ អូនអើយជួបសង្សាអូនចុះពៅ

៣ បងជូតទឹកភ្នែកជូនស្រី បងគ្មាននិស្ស័យជាប្តីអូនទេ តែចិត្តជ្រុលស្នេហ៍ បងនៅតែស្នេហ៍ បងមិនភ្លេចទេ តែសូមជួបជាតិក្រោយអឺយ

—

សង្ឃឹមថ្ងៃមួយ

ច្រៀងដោយ ប៉ែន រ៉ន—

១ ថ្វី..បើ ជើងមេឃនៅឆ្ងាយ សព្វសត្វទាំងគូទាំងឡាយ សប្បាយក្នុងវេហា ខុសអ្វីមនុស្ស ឈ្លោះ

ប្រកែកគ្នា ចងកម្មចងពៀរវេរា ចិន្តាសាមាន្យម៉្លេះណា

២ គេងហ៊ឺ..ទៅ គេងទៅពៅព្រលឹង ជាតិហ្នឹងអភ័ព្វមែនហើយ តែកុំអស់សង្ឃឹមឡើយ ឮទេខ្យល់បក់

រំភើយ ផាយផាត់ពីលើលោកយើង

R បើសាងអំពើល្អ អំពើល្អសងវិញមិនខាន ខំសាងកុសល គឺផ្តល់សុខសាន្ត ឈ្នះចិត្តសាមាន្យ ក្នុង

ថ្ងៃមួយ

៣ បើយើងនៅមានសង្ខារ គឺយើងនៅមានវាសនា ជីវ៉ាកុំអស់សង្ឃឹម មេឃស្រឡះ ក្រោយភ្លៀង

រលឹម ខ្លាចអ្វីមិនហ៊ានញញឹម សង្ឃឹមថ្ងៃមួយមិនខាន៕

—

Tuesday, February 3, 2015

សម្រស់បុប៉្ផាកោះកុង

ច្រៀងដោយ ស៊ិន ស៊ីសាមុត

១ ឱ!ខេត្តកោះកុង ស្ថិតក្នុងចិត្តខ្ញុំ គឺឋានសួគ៌សុខភិរម្យ ក្សេមក្សាន្តសុខុម ដែលខ្ញុំស្នេហា ទិដ្ឋភាពទាំងឡាយ សព្វសាយគន្ធា គឺជាគ្រឿងអលង្ការ មករចនា សម្រស់កោះកុង

២ ស្រមៃហាក់ស្ថិត នាឋានកេន្នរ នារីភូមិឋានបវរ តុបតែងលំអ ដូចក្ងោកពេនពន់ ទំលើក្បាលទូក ដ៏សមទ្រើសទ្រង់ សក់វែងរលើបរលោង ភក្ត្រ័ផូរផង់ ដូចកេន្នរី

R គាប់ចិត្តគយគន់ អរុណរៀងរះ ទូកមីដេរដាស់ កម្រប្រទះ ទិដ្ឋភាពប្រពៃ គាប់ចិត្តគយគន់ សាយ័ណ្ហសម័យ រលករលេញចាំងរស្មី ដូចពេជ្រច្នៃរចនា

៣ នារីស្លៀកពាក់ ឆ្លុះពណ៌គ្រប់យ៉ាង អង្គុយ ក្បែរចុងស្ពានម្ខាង សំអិតសំអាង ងូតទឹកដ៏ថ្លា ខ្លះស្លៀកពាក់ខ្លី អាវស្តើងសង្ហា ខ្យល់ផាត់មកប៉ះកាយា គាប់នេត្រា បុប្ផាកោះកុង៕

—

កូលាបវត្តកែវ

ច្រៀងដោយ ស៊ិន ស៊ីសាមុត

១. ជិះទូកតាមស្ទឹង ប្រឹងលបមើលស្រី ធម្មជាតិស្រស់ខៀវខ្ចី ក្តាំងងាព្រែកក្តី ព្រៃវាលអន្លង់ ស្ទឹងចាស់ព្រែកហ្លួង ទ្រូងជាប់ជ័រឆក់ ក្រោមភ្លៀងរលឹមតក់ៗ ជួបផ្កាខ្ចីល្ហក់ឆើតឆាយ

២. បងជាទេសចរណ៍ ជិះទូកដរអូន គន់មើលផ្កាស្រពោន ដៃតូចស្រលូន គាស់ទឹកបែកខ្ចាយ កូលាបវត្តកែវ ល្អគន់មិនណាយ ខ្ចីល្ហក់សក់ខ្មៅរំសាយ បងតែងចុតម៉ាយ សូមស្នេហ៍

R. តែកម្មអាក្រក់ ដក់ត្រាំដួងចិត្ត ដូចមេឃងងិត ព្រាត់ពីដួងខែ កូលាបឆើតស្រស់ មានសម្ផស្សស្នេហ៍ ផលកម្មបំបែរ អោយគរនិយាយមិនរួច

៣. បងអារឈាមស្រោច ក្នុងស្ទឹងសង្កែ ក្រោមពន្លឺដួងខែ ផ្សងអោយជួបស្នេហ៍ កូលាបថ្ពាល់ខួច កូលាបវត្តកែវ នេត្រាមុតស្រួច សូមអោយ បាននិយាយរួច អោយដឹងថាបង លួចស្នេហ៍៕

—

ពេលដែលត្រូវយំ

ច្រៀងដោយ ស៊ិន ស៊ីសាមុត

១. ចំរៀងដែលលាក់ ទុកមកជាយូរ ពេលនេះស្រែកថ្ងូរ ទ្រហោទួញយំ ទឹកភ្នែកមួយតក់ ស្រក់ថ្លែងប្រាប់ខ្ញុំ ថាខ្ញុំជាតិនេះ មានកម្មស្នេហា

២. មិនគួរផ្លាស់ចិត្ត ផ្លាស់ឥតប្រណី មិនគួរចិត្តស្រី ខ្វះក្តីមេត្តា ចិត្តមោរចិត្តហ៊ាន លួចមានសង្សារ នេះឬដែលថា ស្នេហាភក្តី

R. នឹកឡើងហួសចិត្ត ហួសគិតមិនដល់ ថាចិត្តនិមល ស្រាលជាងសំឡី វិជ្ជរ៉ាហោះហើរ ដូចសត្វបក្សី បានថ្មីចោលចាស់ ផ្លាស់តាមតែចិត្ត

៣. ពេលនេះជាពេល ដែលខ្ញុំត្រូវយំ ពេលកើតទុក្ខធំ ក្នុងរឿងជីវិត គ្មានសង្ឃឹមទេ ថាបានស្នេហ៍ស្និទ្ធ ណ្ហើយទ្រាំគ្រាំចិត្ត តាមកម្មវាសនា៕

—

Monday, February 2, 2015

បក្សាស្លាបដែក

ច្រៀងដោយ ស៊ិន ស៊ីសាមុត

១. មើលរៀមរ៉ាសង្ហាទេអូន បងអាចជូនអូនហើរលើមេឃ បងជាអ្នកបើកបក្សាស្លាបដែកហ៊ឺ... នៅលើមេឃមានតែបងទេ

២. ចង់ទៅណាបងជូនទៅភ្លាម ចង់ទៅរាម រឺទៅកោះកុង រឺកំពង់សោម រឺតាកែវក្រុងហ៊ឺ… រឺមួយក៏ចង់ទៅបាត់ដំបង

R. បងមិនខ្លាចទេខ្យល់ព្យុះភ្លៀង បងហោះហើរច្រៀង បំពេរវេហា បងខ្លាចតែអូនទេជីវ៉ា ខ្លាចអូនថាមិនមេត្តាបង

៣. ឆ្លើយមួយមាត់មកណាពិសី… ថាប្រណីបងទៅនួនល្អង រៀមចាំយូរហើយណាស្នេហ៍ស្នងហ៊ឺ… កុំឆ្លើយអោយបង អស់សង្ឃឹមណា៕

—

សម្រែកសត្វក្រៀល

ច្រៀងដោយ ស៊ិន ស៊ីសាមុត

១. សម្រែកសត្វក្រៀល វាដៀលជេរស្តី មនុស្សដូចកាកី ស្រីចិត្តសាវ៉ា ចិត្តរស់ដូចព្រាន ស្រេកឃ្លានតណ្ហា រូបដូចទេវតា មាយាទដូចឈ្លូស

២. ស្តាប់ចុះភ្លេងខ្មែរ លបជេរស្រីចើក ចិត្តឈួលរវើក បើកទ្រូងអោយប្រុអាពាហ៍ពិពាហ៍ គ្រាន់តែប្តូរឈ្មោះ ក្បត់ចិត្តដែលស្មោះ ផ្លាស់ឆ្ងាញ់ប្រុសថ្មី

R. មេបាងប់ងល់ ចាប់ជល់អោយផ្ទឹម ម៉ែឪញញឹមហៅញាតិចងដៃ ចៅមហាពុលស្រា ឡូឡាអោយជ័យ ទិញប្រុសទិញប្តី និស្ស័យនំនែក

៣. ខ្លួនអស់ក្រមុំតែខំកាឡៃ កែព្រហ្មចារីយ៍ បោកប្តីខ្វាក់ភ្នែក អនិច្ចាឱមនុស្សមានឈ្មោះជាវែក បុណ្យស័ក្តិល្អពេក លួចស្នេហាខ្ញុំ៕

—

ដូចជាប្រហែលមុខ

ច្រៀងដោយ ស៊ិន ស៊ីសាមុត

១. ដូចជាប្រហែលមុខ សុខចិត្តតែដើរតាម បែកញើសរហាម បែកញើសរហាម ស៊ូតាមសួរស្រី ថ្លៃណ្ហើយ កុំខឹង កុំខឹង កុំខឹង កុំខឹងនឹងបងណាអូនណ្ហើយ

២. បងហៅថាអូនៗ ព្រោះអូនក្មេងជាងបង ប្រហែលមុខផងដូចស្គាល់នួនល្អងនៅកន្លែងណា យីស បងភ្លេចឈឹង ភ្លេចឈឹង ភ្លេចឈឹង ភ្លេចឈឹងទាំងព្រឹករកនឹងមិនឃើញ

៣. បើមិនតាមទេ កុំអោយតែជេរបង ផ្អើលមនុស្សទាំងពួង ច្រឡំនិងបងថាប្តីប្រពន្ធ ឈ្លោះគ្នា អាសហា អាសហាអួយកុំខឹងបងណា បងថាលែងទេ៕

ស្ទឹងកែវ

ច្រៀងដោយ ស៊ិន ស៊ីសាមុត

១ ស្ទឹងកែវ ហូរទៅឆ្ងាយណាស់ហើយ កែវបងអើយ ភ្លេចរៀម ហើយឬស្នេហា? ហត្ថដែលធ្លាប់ថ្នាក់ថ្នមកាយា វេលានិទ្ទ្រាកណ្តាលព្រៃ

២ ស្ទឹងកែវ ធ្លាប់តែច្រៀងបំពេ ក្រោមដួងខែ ឲ្យគូស្នេហ៍ភ្លេចទុក្ខភ័យ ថ្ងៃនេះ ស្ទឹងហូរគ្មានប្រណី ចោលព្រៃ ដែលស្រីធ្លាប់រស់នៅ

R. ស្តាយតែ សម្រស់វង់ភក្ត្រា ស្តាយភ្នួងកេសា ធ្លាប់កើយភ្លៅ ស្នាមខាំ ក្តិចខ្ញាំនៅក្រឡៅ កោតតែចិត្តស្រីពៅ ហូរទៅ គ្មាននឹកនា

៣ ស្ទឹងកែវ កែវកុំហូរធ្វើអ្វី គួរប្រណី ដល់បក្សីដែលកំព្រា ធ្លាប់បាន ជួបភក្ត្រកែវពំងា គ្រប់គ្រា ដែលគ្នាមកកំសាន្ត ៕

ចំប៉ាផ្សារលើ

ច្រៀងដោយ ស៊ិន ស៊ីសាមុត

១ ឱកំពង់ឆ្នាំង ជាស្រុកកំណើត ចំប៉ាល្អឆើតស្រស់ស្រអែមខ្ចី ខ្ញុំឃើញតាំងពីមិនទាន់ពេញវ័យ ដល់អូនដឹងក្តី រូបល្អផ្តាច់គេ

២ ខ្ញុំដើរច្រើនស្រុក ទោះជិតទោះឆ្ងាយ ចំប៉ារៀងអាយមិនស្មើអូនទេ រំដួលជើងភ្នំតាមមាត់ទន្លេ មិនអាចលើសទ្វេ ល្អលើសស្រីបាន

R) ឱលោកយាយទេពនៅអែបផ្សារក្រោម ចែចូវលួងលោមរូបស្រី អោយបាន មានតែយាយទេជាផ្លូវជាស្ពាន កាលណាខ្ញុំបាន ខ្ញុំថ្វាយភ្លេងការ

III) ចំប៉ាផ្សារលើ សូមផ្ញើដួងចិត្ត ផ្ញើទាំងជីវិតលុះអស់សង្ខារ ស្រអែមមាសបងកែវកុំដោះសារ រួបរួមស្នេហាជាតិនេះតែមួយ៕

កុលាបបាត់ដំបង

ច្រៀងដោយ ស៊ិន ស៊ីសាមុត

១ កុលាបបាត់ដំបងអើយ បងមកវិញហើយណាថ្លៃ ឱកូលាបដែលបងស្រមៃ តើថ្លៃនៅទីណាអូន?

២ បងវិលមករកពៅ ១០ឆ្នាំផុតទៅហើយស្ងួន អន្ទះសាចង់ជួបមុខអូន តើស្រីល្អយ៉ាងណាទៅស្រី?

បន្ទរ៖ បងឮតែគេប្រាប់ថា ស្រស់ជីវ៉ាអូនល្អឥតបី អូននាងល្អជាងផ្កាចំប៉ី សៀមរាបទៀតថ្លៃ តើមែនឬទេ?

៣ បើសិនរៀមមានវាសនា បានជួបបុប្ផាម្ចាស់ស្នេហ៍ បងនឹងខំស្រោចទឹកថ្នមថែ ឱ្យម្ចាស់ស្នេហ៍ស្គាល់តែសុខសាន្ត

ស្តាប់ស្នូររហាត់

ច្រៀងដោយ ស៊ិន ស៊ីសាមុត

(១) ស្តាប់ស្នូររហាត់យប់ស្ងាត់រវើយ ស្នេហ៍អើយអូនអើយក្រោកឡើង រៀមសូមផ្តែផ្តាំ ទឹកភ្នែករៀមហូរ ហូរព្រោះតែកម្ម ច្រើនឆ្នាំដែលរៀមរង់ចាំ ចាំជួបនឹងស្រី

(២)សូមមន្តតន្រី្តបំភ្លៃសណ្តំ រៀបចំដឹកនាំចិត្តមុំឲ្យបានយល់ន័យ
ថាស្នេហ៍សម្បិត្តក្រោយមានទុក្ខភ័យ ស្តាយវ័យស្រីក្រមុំគួរកុំគិតងាយ

(៣) . ព្រះនាងចេកនាងចម ដែលខ្ញុំធ្លាប់បង្គំថ្វាត់ថ្វាយ មេត្តាពន្យល់ឆោមឆាយ និងម្តាយ ឲ្យណាយពីភពអប្រិយ

(៤) . រហាត់ទឹកអើយ ! មេត្តាខ្ញុំផង សូមបងជួយនាំកម្រងស្នេហ៍ចងនិស្ស័យ ជំរាបដល់ម្ចាស់ជីវិតថ្លើមថ្លៃ ថាខ្ញុំរង់ចាំតរណី លុះគ្រាក្ស័យអើយ៕

ស្នេហ៍ដូចជើងមេឃ

ច្រៀងដោយ ស៊ិន ស៊ីសាមុត និងរស់ សេរីសុទ្ធា

១ (ស) ស្នេហ៍អើយស្នេហ៍ដូចជើងមេឃ នៅឆ្ងាយពេកធ្វើម្តេចទៅដល់ ចិត្តស្នេហ៍នៅតែអំពល់នៅតែខ្វល់រាល់ថ្ងៃខ្លោចផ្សា

២ (ប) ស្នេហ៍អើយស្នេហ៍ដូចជើងមេឃ ឆ្ងាយអនេកឆ្ងាយពីហត្ថា គ្មានសង្ឃឹមថាបានឡើយណា គេងសោកាកណ្តោចកណ្តែង

R (ស) ថ្ងៃណាទើបមេឃប្រណី ឲ្យស្រីផុតក្តីចម្បែង (ប) ស្នេហ៍ស្រីមានន័យដូចផ្សែង ចម្បែងក្រែងចាប់មិនបាន

៣ (ប) គេងចាំលុះសូន្យសង្ខារ (ស) ក្រែងវាសនាបានជួបប្រាណ (រួម) បើជួបៗលុះអវសាន កល្យាណហើយនឹងរូបបង៕

—

ចៅដក

ច្រៀងដោយ ស៊ិន ស៊ីសាមុត និងរស់ សេរីសុទ្ធា

១) (ប) រសៀលគងព្រៃ រៃយំល្វើយល្វើយ ឱកែវបងអ្ហើយ នាងនៅទីណា? បងសែនអាល័យស្ទើរក្ស័យសង្ខារ រង់ចាំស្នេហាគ្មានលោះពេលឡើយ ឱចៅដកដកអើយចៅដកល្ហុង អញ្ជើញមន្តស្នេហ៍វីយូឡុង ប្រឹងកូតហៅស្រី មកឆាប់រ៉ា

២) (ស) អូនមកដល់ហើយ បងអើយកុំសង្ការ វីយូឡុងប្រាប់អូនថា ស្នេហានៅចាំ អូនសែនភិតភ័យ ហឬទ័យប្រេះស្រាំ ឮសូរបងផ្តាំ អោយអូនមកជួប ឱចៅដកដកអើយចៅដកចំប៉ា អញ្ជើញមន្តស្នេហ៍ហ្គីតា ជួយថ្នមស្នេហាអោយខ្ញុំផង

៣) (ប) បងមិនខឹងទេ ម្ចាស់ស្នេហ៍កុំសៅហ្មង ហ្គីតាប្រាប់បង ថាអូនមកហើយ ស្តាយស្រស់ភក្ត្រ័ឆ្មម បងសូមកៀកកើយ សូមកើយអូនជាខ្នើយប្រចាំជីវិត ឱចៅដកដកអើយ ចៅដកនួនស្រី អញ្ជើញមន្តស្នេហ៍ចាប៉ី សូមអ្នកបំភ្លៃបំពេរពៅ

៤) (ស) បងមើលតារា ឆាយាសន្ធៅ កាយអូននែបនៅជាមួយសង្សារ (ប) បងចាប់ជន្លេន ក្តិចស្ទូចមច្ឆា អោនថើបបុប្ផា ទុកជាសាក្សី ឱចៅដកដកអើយ ចៅដកក្តាំងងា អញ្ជើញភ្លេងទាំងអស់គ្នា ប្រគុំបំពេរគូខ្ញុំផង៕

អូនរាំសមទេ

ច្រៀងដោយ ស៊ិន ស៊ីសាមុត រស់ សេរីសុទ្ធា និងប៉ែន រ៉ន

១ (ស.)អូនរាំសមទេ អើយមើលនេ៎ ដៃអូនទន់ក្រៃ អូនរាំសមទេ អើយមើលនេ៎ ដៃអូនទន់ក្រៃ
(ប.)សមណាស់ណាពិសី ម្រាមដៃដូចកេន្នរ ទន់ល្អរាំសារវ៉ាន់ បងសូមកាន់ អង្អែលដៃបានទេ

២ (ស.)បងអង្អែលដៃបាន អើយតែប្រាណ កល្យាណកុំប៉ះអី បងអង្អែលដៃបាន អើយតែប្រាណ កល្យាណកុំប៉ះអី (ប.) ចុះមុខពិសី ចុះថ្ពាល់ពិសី ប៉ះបានទេស្រី ស.ថាប៉ះមុខអី ប៉ះដៃបានហើយ៕

Pages

Tuesday, December 1, 2015

Wednesday, September 2, 2015

Saturday, August 29, 2015

Saturday, July 25, 2015

Friday, July 24, 2015

Wednesday, July 22, 2015

Tuesday, May 19, 2015

Thursday, May 7, 2015

Wednesday, April 22, 2015

Friday, March 27, 2015

Thursday, March 19, 2015

Tuesday, March 17, 2015

Wednesday, March 11, 2015

Tuesday, March 10, 2015

Friday, February 27, 2015

Monday, February 23, 2015

Thursday, February 12, 2015

Sunday, February 8, 2015

Friday, February 6, 2015

Thursday, February 5, 2015

Wednesday, February 4, 2015

Tuesday, February 3, 2015

Monday, February 2, 2015